News24

Uphele kabi umhlangano we-ANC e-E Cape

2012-11-06 08:16

Johannesburg - Umhlangano wegatsha le-ANC e-Eastern Cape uphele kabi sekujikijelwana ngezihlalo kwaze kwalimala abantu, kusho umbiko weDispatch Online ngoLwesibili.

Igatsha laku-Ward 28, elibandakanya iGonubie neBeacon Bay, ligcine lidube umhlangano ngemuva kokulinda amahora ayisishiyagalombili ngeSonto.

Ilungu lekomidi eliphezulu le-African National Congress eQinirha uThulani Mthwa uthe kufike amalungu angu-46 kuphela kwangu-147 abelindelekile kulo mhlangano.

Kulo mhlangano bekukhona lowo oyilungu lekomidi eliphezulu kuMasipala iBuffalo City uMbulelo Nkonzo noSihlalo uZukisa Faku.

Kuthe uma kumenyezelwa ukuthi uyahlehla umhlangano, kwakhona oshaya uNkonzo.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter