Bafumene inkxaso oosomashishini abakhasayo baseGugulethu

2019-11-21 06:00
Ezinye zezixhobo ezithe zanikezwa oosomashishini abasakhasayo eGugulethu.UMFANEKISO: unathi obose

Ezinye zezixhobo ezithe zanikezwa oosomashishini abasakhasayo eGugulethu.UMFANEKISO: unathi obose

Multimedia   ·   User Galleries   ·   News in Pictures Send us your pictures  ·  Send us your stories

Bebexhelelw’ exhukwana oosomashishini abasakhasayo baseGugulethu ngexesha befumana izixhobo zokusebenza kumalungu eqoqo lezophuhliso eGugulethu, iGugulethu Development Forum (GDF ngamafutshane) kwiveki ephelileyo.

Lo msitho, untsuku-mbini, ububanjwe ngokubambisana yi GDF kunye nesebe elijongene nophuhliso lwamashishini amancinci kuzwelonke.

Ngama 42 oosomashishini abasuka kumacandelo ohlukeneyo, kuquka abathengisa inyama, ababolekisa ngeentente kunye nezitulo, oonovenkile, abakhi bezindlu, abapheki, abangcwabi, abafoti kunye naba mashishini e-internet, abathe baxhamla.

Lo msitho uqale ngoLwesine e-Ikhwezi Centre.

Omnye woosomashishini abathe baxhamla uNoluthando Mpandle, nobolekisa ngeentente, izitovu kunye nezitulo, uwuchaze lo msitho nje ngobakhuthazayo nonika ithemba. Ukanti uthe wafumana izitulo ezingama 50 kunye nezitovu ezithathu.

Uthe uninzi lwabo abakwazi kuzithenga izixhobo abazisebenzisayo ngexesha elinye.

“Eneneni zonke ezi zinto sizifumene apha zizakuwenza umahluko kwaye zizakutsho ziphucule nendlela esisebenza ngayo,” utshilo. “Ndizakuyeka ngoku ukuboleka izitulo xa ngaba ndisenza umsebenzi ngoba ezinye izinto bekunyanzeleka ukuba ndihambe ndiyoziboleka ngoba bendingafikeleli kuzo.”

Ukwabongoze oosomashishini ukuba basebenzisane ukuze baphumelele. “Xa ungusomashishini kubalulekile ukuba ubuze komnye xa ngaba into ungayazi ukwenzela ufumane ulwazi oluphangaleleyo,” uvale ngelitshoyo.

Unobhala weGDF uVicent Domingo uthe usomashishini ngamnye ufumane izixhobo zokusebenza ezixabisa ama R10 000. Uthe injongo yabo kukuphuhlisa kwanokuqaqambisa bonke oosomashishini abakhasayo kula mmandla.

“Asiphelelanga kwaba sinabo namhlanje. Sinoluhlu lwabo bonke oosomashishini nesisajonge ukuncedisana nabo ukuzama ukubaphuhlisa,” uthethe watsho uDomingo.

Waleke ngelithi banesivumelwano seenyanga ezili 12 nabo bonke abathe baxhamla kweli phulo, ukuqinisekisa ukuba akukho nyawo lwamfene.

U-Tumelo Kgoale, oligosa elijongene nophuhliso lwamashishini kwisebe, uthe basebenzisana kakhulu kunye ne GDF.

Uchaze olu nikezelo ngezixhobo nje ngento abayenza kwilizwe jikelele.

“Asiqali ngoku ukusebenzisana noosomashishini baseGugulethu. Besikhe sahlangana noosomashishini balapha sabenzisa uqeqesho ukuzama ukubaxhobisa ngolwazi nokuba bangawakhulisa njani amashishini wabo,” utshilo uKgoela.

NEXT ON NEWS24X

Inside News24

 

Matric Results are coming soon!

Notify me when results become available

/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.