Hamba Kahle Bhele lokulunga

2016-08-11 06:00
 Selina Ndzube

Selina Ndzube

Multimedia   ·   User Galleries   ·   News in Pictures Send us your pictures  ·  Send us your stories

Siwile!Siwile isikhukukazi sasemaBheleni, intombi kaMadyibi.

Ndithetha ngabani xandingathethi ngentombi kaKwayiyo, unozala wesizukulwana sasemaQhinebeni.

Ndithetha ngaye ‘Bheleks’ Selina Ndzube, uDlambulo, Khuboni, Langa lokulunga. UThixo unabantu bakhe athi aba babale ngezinto ezininzi.

Siyokhumbula uBheleks besisanda kuvuyisana naye egqiba eminyaka eyim98 esidla amazimba.

Elo libhaso elikhulu kuleminyaka siphila kuyo. Thina bantu bebehlala naye ebemane ukusihlekisa xa emane ukuthi ingathi kanti iNkosi indilibele, njengokuba iintsuku zam zihambile ndifuna ukuya kuphumla. Kodwa ke njengakholwa aphinde athi hayi akukhonto, aka xakwanto.

Yazi amaxesha amaninzi kubalula kum ukubhala ngezihlobo zam, kodwa namhlanje litshone emini ndasuke ndaxakwa ukuba ndibhekise ngaphi. Ndiyinkukhu esikwe umlomo, kodwa ke ndomelele kuba apha ndithetha ngekholwa ebelinomonde, lizolile.

Ndithetha ngomzali, umama wethu ongaphelelanga nje abenguye kuthi sodwa, kodwa wanguye umama wesizwe. Ikhaya lethu ebelifudumeza ngalo lonke ixesha. Ulenze ikhaya labalityholo lomntu wonke, ntoleyo eyenze kwalula ukuba uwonke wonke aphume engena kulo.

Uninzi lwabantu belusaya kufika nje luzifumane intsikelelo namathamsanqa kuba thina Sizwe esiMnyama sibathabatha abantu abadala okwezinyanya eziphilayo. Thina sibenenyweba engummangaliso yokubabalwa ngalentombi. Uthandiwe wanakekelwa uBhele yintombi yakhe nanguye wonke umntu ebemazi. Thina silusapho lwasemaQhinebeni nasemaBheleni sithi kuye ntombi kaKwayiyo hamba kakuhle, asinasikrokro usenzele yonke obumele usenzele yona, wagqithisa, wenzela nabanye abantu. Sithi ngoko hamba uyokuphumla asoze sikukhalele. Hamba uyokudibana nabanye abantwana bakho nesizukulwana sakho uthi kuso ushiya ikhaya elindilisekileyo. Ikhaya elingophukanga. Thina sohlala sikukhumbula. Bhele, lala ukuphumla okungunaphakade. Isizwe sakuthi usishiyele uthotho lwabantwana nesizukulwana esilulutho ebantwini, ndithemba nangakumbi ukuthi nabo bangekho mgceni bayokubuyela kuwo. Lala ngoxolo, uThixo akusikelele side sibonane kwakhona. Thina bashiyekileyo masivuye sigcobe simkhulule ngeentliziyo ezinothando. Uyafihlwa ngoMgqibelo umhla we 13 August. Icawe iyakungena ngo 9am eSt Mary Magdeline NY 3 uyokubekwa eNY 5.

NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.