Huntshu, sazingca ke ngoku!

2018-09-20 06:02

Iphephandaba lakho, iCity Vision, likwi phulo lokuphuhlisa noku khuthaza ulwimi lwesiXhosa.

Njengenxalenye yeliphulo sithanda ukukhuthaza nokumema abafundi ukuba babe yinxalenye yethu, ngokuthi bazi bandakanye ngokuhlomhla nokuthabatha inxaxheba kuyo yonke into yethu epapashwe kwi City Vision.

Ungakwenza oko ngokuthi uthumele umyalezo wakho kwezinkcukacha zilandelayo: idilesi ye emeyile: News@cityvision.co.za okanye Thulani@cityvision.co.za

Ungathumela nomqhafazo ka WhatsApp ku 083 721 7648. Kanti ungasindwendwela nakumakhasi ethu onxibelelwano uFacebook: City Vision Live okanye uTwitter: @cityvisionlive kungenjalo usindwendwele kumnatha wethu ongu www.cityvision.co.za

Siyakuthi sipapashe zonke izimvo zenu kwiphephandaba le veki elandelayo.

Sibongoza ababhali ukuba basiphe igama, ifani kunye nendawo umntu ahlala kuyo xa esibhalela.

Sikunye singenza umahluko omkhulu.

Ukusukela ngoku siza kuthi sipapashe isaci kunye neqhalo, rhoqo ngeveki, sicele intsingiselo kuba fundi.

Zonke impendulo esithe sazifumana siya kuzi papasha kwiveki elandelayo rhoqo.

I Saci kunye neQhalo lale veki.

ISACI: Wophala kuhle, indawo iyehla.

IQHALO: Isilo esinamandla sesidlayo.

Iimpendulo zeveki edlulileyo:

UKUTHWALA INDWE: Noluthando Mahlathi-Fuku, Nyanga: Umntu onekratshi, oziphakamisileyo.

INGWE IDLA NGAMABALA: Okuhle Ngubombi, Harare: Umntu uzidla ngento anayo okanye ufumana umvuzo wento ezintle anazo.

Miseka Mahlulo, Site B: Umntu uzidla ngento anayo.

Noluthando: Umntu ubonwa ngemisebenzi yakhe emihle nangezambatho zakhe.

INYATHI IBUZWA KWABAPHAMBILI: Okuhle: Amava okanye ulwazi lubuzwa kwabadala.

Miseka: Ulwazi lubuzwa/lufumaneka kwaba ngentla kunawe.

Noluthando: Kuyinto elungileyo nebubulumko ukubuza kwabo baziyo, naba namava.

Ngokwenkcazela yombhali ncwadi u E.W.M Mesatywa, UKUTHWALA INDWE: Kutshiwo kumntu osuke waanekratshi, wasisichi, wazifaka indwe ngokwakhe. Amathwala-ndwe ngamadoda azibaluleyo ezimfazweni. Ke umntu ozifika usiba lwendwe uziphakamisile.

INGWE IDLA NGAMABALA: Eli qhalo lithetha ukuba umntu woyisa ngemisebenzi yakhe, ubonwa nangezambatho zakhe. Kuthiwa kunzima ukuyahlula ingwe ehlosini kuba ziyelelene kakhulu, ngokugquma kwazo, uburalarume, kwa nangemibala yazo. Be kufuneka ke ukuba ziqatshelwe ngobuchule impawu zengwe, ngakumbi amabala ayo. Ulusu lwengwe lusiwa komkhulu, kwenziwe umnweba owambathwa ziinkosi nangamaphakathi. Olwehlosi lona ulusu lwenziwa izidabane. INYATHI IBUZWA KWABAPHAMBILI: Lithetha ukuba yinto elungileyo nebubulumko ukubuza kwabo baziyo, nakwabo banamava

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.