Izinga le HIV lenyukile

2018-10-11 06:03

Liyonyuka izinga lokosuleleka kwabantu abatsha yintsholongwane ka Gawulayo, ingakumbi kumabhinqa.

Oku kudizwe nguMbulawa Mugabe, umlawuli oyintloko kwinkqubo yeZizwe Ezimanyeneyo ejongene nesifo uGawulayo eMzantsi Afrika, kwiveki ephelileyo.

Uthe ngama 88 000 abantu abatsha, ingakumbi amantombazana athi asuleleke sesi sifo minyaka le.

Oku kuza emva kothotho lwemifanekiso bhanya-bhanya, i video ngolwini lwase mzini, ethe yabhentsiswa kumakhasi onxibelelwano kutshanje.

Kwisithuba seeveki ezimbini ezidlulileyo, kuvele i video yentombi imunca ubudoda betyendyana elithile.

Oku kulandelwa yenye i video yamakhwenkwe amabini esabelana ngesondo ne ntombi enye.

Ethetha kwingqungquthela yeenkokheli zakwa lizwi kunye nezomthonyama eGoli, uMugabe uthe lishumi amantombi athi osulelwe ngulo bhubhane rhoqo nge yure. Logama ingama 240 athi osuleleke ngosuku. Kanti phantse ibe li 1 700 elithi losuleleke nge veki.

Ezingxelo ziyakhabana nezi kamphathiswa wezempilo uAaron Motsoaledi athe wazidiza kwinyanga yeSilimela, nalapho athe lehlile izinga lokosuleleka kunyaka ophelileyo.

Ngokuka Motsoaledi uphando oluqhutywe ziinzululwazi nangamaziko ophando lubonakalisa ukuba bambalwa abantu abathe bosulelwa sesi sifo xa kuthelekiswa nophando olwenziwa ngomnyaka ka 2012.

Olu phando lwabhentsisa ukuba izinga losuleleko luxhomile kumanina aphakathi kwe 15 ukuya kuma 24 eminyaka, lonyuke ngokuphinda- phindene kathathu xa kuthelekiswa nabafana.

NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.