Masizingce ngesi Xhosa sethu

2018-11-15 06:02

S

ithanda ukukhuthaza nokumema abafundi ukuba bazibandakanye nathi ngokuhlomhla nokuthabatha inxaxheba kuyo yonke into epapashwe kwi City Vision.

Ungakwenza oko ngokuthi uthumele umyalezo wakho kwezinkcukacha zilandelayo: idilesi ye emeyile: News@cityvision.co.za okanye Thulani@cityvision.co.za

Kanti ungasindwendwela nakumakhasi ethu onxibelelwano uFacebook: City Vision Live okanye uTwitter: @cityvisionlive kungenjalo usindwendwele phantsi komnatha othi www.news24.com ukhangele iCity Vision.

Siyakuthi sipapashe zonke izimvo zenu kwiphephandaba le veki elandelayo.

Njengenxalenye yephulo lethu lesiXhosa sicela intsingiselo yezi zaci kunye neli qhalo. Zonke iimpendulo esithe sazifumana siya kuzi papasha kwi City Vision yeveki elandelayo.

ISACI: Ungenwe liphela endlebeni.

ISACI: Iphela lingene emasini.

IQHALO: Inkqayi ingena ngentlontlo.

V Thumela impendulo yakho nge e-mail ku news@cityvision.co.za okanye uWhatsapp ku 083 721 7648

. Ukudibanisa iintloko:

Zoleka Njoli, Site B: Kukuthetha-thethana.

Phelokazi Mazabelana, Litha Park: Ludliwano ndlebe.

Mavis Nkata, Khayelitsha: Ukuba nentlanganiso okanye ukuhlalela umcimbi othile.

Nothemba, Site B: Kuxa kudibene umhlangano kuxoxwa ngento efuna ukusonjululwa.

Sabelo kaNdzuzo, eXesi: Kuxa ninomhlangano ningamathile kwelo khaya, kukho umba othile.

Mfuneko Bonase, Marcus Garvey: Libhunga elo, xa amatile adibene ngalonto ayixoxayo adibanise intloko. Yi meeting in English.

Sindy Sipika, Litha Park: Ukugqugul, ukubhunga okanye ukuthetha-thethana.

. Ukuwa ngeendololwane:

Zoleka: Kuthetha ukuthandaza.

Phelokazi: Ukuva ubuhlungu.

Mavis: Ukuthandaza.

Sabelo: Ukuwa kabuhlungu ubetheke.

Sindy: Ukuguqa phantsi umntu athandaze.

. Isithuko asibeki siphako:

Mavis: Isiphako ngumbala okanye ichaphaza. Yinto adalwe nayo. Xa uthe wathukwa akushiyeki unabala asiyonto uyakubonwa ngayo ngabantu.

Sabelo: Xa uthukiwe akushiyeki mbhalo.

Mfuneko:Kuthetha nokuba ungamthuka umntu isituko soze sihlale okanye simncamathele tuu.

Sindy: Ukuthuka umntu nokuthetha ngaye kakubi akusiguquli isimilo sakhe, okanye akumenzi ukuba abe yiloo nto athukwa ngayo.

Ngokwenkcazela yombhali ncwadi umnumzana E.W.M Mesatywa, nazi impendulo zezaci namaqhalo eveki edlulileyo:

Ukudibanisa iintloko: Oku kuthetha, ukugqugula, ibhunga okanye ukuthetha-thethana.

Ukuwa ngeendololwane: Kuthethwa ukuba umntu aguqe phantsi athandaze.

Isithuko asibeki siphako: Ukuthuka umntu nokuthetha ngaye kakubi akusiguquli isimo sakhe; okanye akumenzi ukuba abe yiloo nto athukwa ngayo .

NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.