Masizingce ngesi Xhosa sethu!

2018-12-13 06:02

S

ithanda ukukhuthaza nokumema abafundi ukuba bazibandakanye nathi ngokuhlomla nokuthabatha inxaxheba kuyo yonke into epapashwe kwi City
Vision
.

Ungakwenza oko ngokuthi uthumele umyalezo wakho kwezinkcukacha zilandelayo: idilesi ye emeyile: News@cityvision.co.za okanye Thulani@cityvision.co.za

Kanti ungasindwendwela nakumakhasi ethu onxibelelwano uFacebook: City Vision Live okanye uTwitter: @cityvisionlive kungenjalo usindwendwele phantsi komnatha othi www.news24.com ukhangele iCity Vision.

Siyakuthi sipapashe zonke izimvo zenu kwiphephandaba le veki elandelayo.

Njengenxalenye yephulo lethu lesiXhosa sicela intsingiselo yezi zaci kunye neli
qhalo.

Zonke iimpendulo esithe sazifumana siya kuzi papasha kwi City Vision yeveki elandelayo.

ISACI: Intloko ethambileyo.

ISACI: Intloko elukhuni.

IQHALO: Oxhela eyakhe akabuzwa.

V Thumela impendulo yakho nge e-mail ku news@cityvision.co.za okanye uWhatsapp ku 083 721 7648.

Iimpendulo zeveki edlulileyo:

. Into ef’amanqa:

Buyiswa Magqaza, Harare: Into ef,’amanqa ithetha into engekhoyo.

Luvo Niyakhe, Philippi: Kukwenza into engacacanga okanye engacaciyo.

Zoleka Njoli, Site B: Into engenasihlahla.

Ngubohlanga Soqele, Khayelitsha: Yinto engagqibelelanga, engacacanga ingena mpumelelo ukuba yintetho iyintetho engavakaliyo intsingiselo yayo.

Ntuthuzelo Solani, Gugulethu: Into ef’amanqa xa sukube linto uyithethayo okanye uyivezayo inga velwa ntweni...Kuye kuzekeliswe kuthiwe loo ntetha if’amanqa.

Zuki Mdunyelwa, Harare: Yintetho engavakaliyo.

. Ukubhalela edolweni:

Buyiswa: Ukwenza ngokungxama okanye ukusongela umntu.

Luvo: Kukwenza into ongaqinisekanga ngayo. Ubhalela edolweni ngenjongo zokukopa okanye ukwenza izilungiso.

Zoleka : Uyakhohlisa.

Ngubohlanga: Wenza into kuba enyanzelekile kuba imeko imnyanzelisa enze ke ukwanelisa imeko leyo.

Ntuthuzelo: Uyadlalisa.

Zuki: Kukufungela umntu okwenze into obuhlungu

. Izithukuthuku zenja ziphelela eboyeni:

Buyiswa: Ayinambheka phambili.

Luvo: Kuthetha unyamezelo lokungabinamcedi.

Zokeka: Intetho yehlwempu ayimanyelwa.

Ngubohlanga: Umsindo nokuxhalaba komntu ongenanto akukho ndawo kuma kuyo okanye akumisi nto.

Zuki: Yinto oyiqalayo iphelele esithubeni.

Ntuthuzelo: Xa sukube engaziva ngumona.

Ngokwenkcazela yombhali ncwadi umnumzana E.W.M Mesatywa, nazi impendulo zezaci namaqhalo eveki edlulileyo:

Into ef’amanqa: Yinto engento, engenasihlahla sayo, nantsingiselo kuyo; into engenamsebenzi.

Ngokwengxelo esi saci sivela kwinkolo yokuba nasiphi isilo esife amazantsi la asisenamsebenzi, kuba singenako ukuzivikela nokuma.

Ukubhala edolweni: Noxa intsingiselo yale ntetho ingacaci kakuhle inkcazelo ithi kuthethwa ukukhohlisa.

Kuthiwa ma kube yintetho yasesikolweni, athi umfana ebona intombi, abe sel’ ebhala iphetshana, ebhalela edolweni, ebeka idinga, phofu engekho ntweni.

Izithukuthuku zenja ziphelela eboyeni: Eli qhalo lithetha ukuba izinto ezenziwa nezithethwa lihlwempu azidli ngakukhathalelwa.

Kutshiwo nokumntu lo onomsindo ongamsi ndawo.

Okunene nokuba inje ibilile, loo mbilo womela kuyo, kungekho bani uzixhamal ngokuyisula, inye into enokuyenza kukuzivuthulula ngokwayo.

Elokuqwela: Sicela usinike isaci okanye iqhalo kunye nenkcazelo ngezi zilwanyane zilandelayo:

Impukane?

Impuku?

NEXT ON NEWS24X

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.

Inside News24

 

Enter the examination number or search by province or school (NSC Students) to view results.

/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.