Ke Mosotho, ke tswa Ntswanatsatsi…

2015-09-30 06:00
Ntsana Mokuoane, Cultural activist
Foto:

Ntsana Mokuoane, Cultural activist Foto:

Multimedia   ·   User Galleries   ·   News in Pictures Send us your pictures  ·  Send us your stories

O TSWA kae? Ha Mantilatilane. Wa jang? Bohobe. Wa futswela kang? Ka metsi a pula. Thella hee… Ke tla thella jwang, ke le:

Mofokeng wa Mahooana a bo-Tlalane, maja mmutla o le tala

Ba Mahooana e ka dikepolana, e ka nku e nyoloha mokgwabong

Bafokeng ba bangata e ka jwang ba tjhaane,

Mahase wa hasa Rampeoana, a hase batho, a be a hase le dipudungwana thabeng

Nna ke ngwana madi ka ho phethahala le ka botlalo

Boko sa ntate le sa mme di a tshwana, tlhwatlhwa ya ka e ka hodima thaba

Le ha o ka raha moritshwane ha ho na taba, ha ho thuse letho

Saka la ba heno le haella dikgomo, mahadi a bona ke a qhiletsang

Bomalome ba ke ke a dumela le kgale!

Feela Bafokeng bona ba tla ata, ka ha Tlalane o ile a nna a tswala mahoohoo

Mahoohoo a fetoha bo-Mahooana a Tlalane!

Kgweding ena e hodimo ya Loetse, eo Maafrika Borwa a e nkang e le kgwedi ya ho keteka botjhaba, ke ba ba kae ba rona ba ikitlaetsang ho bua puo ya letswele ka botlalo, re sa tswakanye le Senyesemane?

Ke ba ba kae ba rona ba tsebang nalane ya rona re le Basotho, ba rutang bana ba lelapa kapa lona leloko ka kakaretso metso ya moo leloko le qadileng teng?

Lapeng moo ke tswalwang, ke batjha ba tlalang seatla feela ba ka bolelang seboko sa rona ka ho otloloha, ba se etsa ho tloha qalong ho fihlela qetellong!

Ha ke sa bua ka ho lotomanya mabitso a leloko a rehwang bana, re a kgutlisetsa melokong e ka bang e meraro e fetileng. Joo nna wee!, Ke utlwa bohloko hore le nalane ya mabitso a thehello ha a tsejwe, ke tjho hore lebitso leo motho a le rehelletsweng, yena ka bo yena ha a tsebe le hlaha kae. Pelo ya ka e qhitsa madi!!

Feela ha taba di le tjee, re di lokisa jwang? Ba lehlohonolo la hoba le bontatemohlo le bonkgono ba ka kopa nalane ya tatelano ya meleko (family tree), seboko le hona ho botsa hore na kamora nako ya Ntswanatsatsi, Difaqane le Thababosiu…hore re iphumane re phela bo Foreistata, Kolone le boKgauteng tjee, bontatemoholo ba ile ba hloma ba hlomolla metse kae naheng ee ya rona?

Se seng se ka thusang ho tsoselletsa lerato la Sesotho le Botjhaba baneng ba rona, ke ho ba phethela ditshomo tsa Sesotho.

A na o ka kgolwa hore dibuka tsa dipale tsa bo Moshanyana Senkatana, Tselane le dimo, Senkepeng, Masilo le Masilonyane, Moselantja, Senannapo, di a fumaneha dilaeboraring tsa metseng ya rona?

Puisano eo ya Mantilatilane ke e fumane ho e nngwe ya dibuka tseo! Mmadi ya ratehang, a ko phethe o bale mabitso a ditshomo tseo, o ikgopotse monate wa ha o ne o di phethelwa o sa le ngwana!

Jwale potso ke hore batjha bona ba kgothalletswa jwang ho rata puo ya tswalo le botjhaba ba bona ha rona batswadi re sa bo kgathalle?

Thupa e kojwa e sale metsi… ha re ka qala re kgothalletsa bana ba sa le banyane, re tsamaye mekete ya setso ya selemo le selemo le bona, re ba ise dimusiamong (museums) moo ho bolokilweng disebediswa tsa botjhaba, re ba ngodise dilaeboraring metseng ya rona, le hona ho ikitlaetsa hore hang selemong, ho hlophiswe kopano eo re tla rutang bana ka botjhaba ba bona, re se emele feela kgwedi ya Loetse.

Sena se ka hlophiswa ke ba leloko (family reunions), baahisane, dikereke le ha e ka ba moithaupi ya boulellang botjhaba le puo tsa hae.

Bana ba ka phutheha mafelo a beke kapa ha dikolo di kwetswe, ba hlekeha mmileng mme ba ithuta tse molemo ka botjhaba ba bona.

Melemo ya sena ke ho ruta bana ka botjhaba ba bona, ho bua Sesotho se hlwekileng le ho bolokeha ka ha ese bo tlatlasolle ba mmileng.

Se seng seo re ka se etsang re le batswadi ke ho lekanyetsa bana nako ya ho shebella thebeleishene, mme re ba kgothalletse ho bala dibuka tsa Sesotho.

Bana ba rona ba tsietsing ya ho lahlehelwa ke bohlokwa ba botjhaba le ho se bue Sesotho se hlwekileng. Kgetho ke ya hao o le motswadi - ngwana a bitswe ka lebitso la Sesotho, a phele moo batho ba buang Sesotho, motseng o nang le Basotho ba hlophisang mekete ya Botjhaba, profenseng ya Foreisetata moo ho nang le Basotho Cultural Village; motswadi a hodise ngwana dilemo tse 18 sekolokoto, e be motswadi o sitwa ho rera leeto le isang ngwana a ilo bona Botjhaba ba Basotho ka mahlo…uwele hle Basotho ba kgabane, bana ba Moshoeshoe moshoashoaila, maapara kobo a matle, ha re ikotleng difuba ka boikgantsho … moetlo ha o ya baneng ha o se timele!

) Mang kapa mang ya a batlang ho ngola kholomong ena, ka Sesotho kapa ka Setswana, a ka ikopanya le morulaganyi wa Express Jabulani Dlamini ho 051-404-7910 kapa email: Jabulani.Dlamini@volksblad.com

) Mongodi ya a batlang ho ngola kholomong ena ha ana ho lefiwa.

) Where necessary, Express edits some columns. – Ed

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
ADVERTORIAL
Competition regulation for a growing and inclusive economy

ADVERTORIAL: The Competition Commission of South Africa is conducting advocacy work in the South African automotive aftermarket industry and has gazetted a Draft Code of Conduct for public comment.

/News
 

5 top leg exercises for men

Here’s our selection of the five best leg exercises that you can do in the comfort of your own home.

 
 

You won't want to miss...

10 best dressed men of 2017
How to open a beer bottle without an opener
WATCH: Man films himself going down water slide upside down as things go very wrong…
WATCH: Conor McGregor: Notorious the trailer
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.