Augrabies, meer as ’n groot geraas

2018-07-11 06:00
Duisende sterre skitter helder bokant dié woestynagtige landskap van die Augrabieswaterval- Nasionale Park met ’n kokerboom in die voorgrond.

Duisende sterre skitter helder bokant dié woestynagtige landskap van die Augrabieswaterval- Nasionale Park met ’n kokerboom in die voorgrond.

Multimedia   ·   User Galleries   ·   News in Pictures Send us your pictures  ·  Send us your stories

Dit gebeur elke paar jaar dat die Oranjerivier in volle vloed afkom en die Augrabies-waterval – die naam afkomstig van die Namawoord “aukoerebis” wat “plek van groot geraas” beteken – sy regmatige plek as een van die Noord-Kaap se gewildste toeriste-attraksies inneem.

Vloed of te nie is die hoofwaterval wat 56 m na benede stort, sowel as die lang ravyn wat deur eeue heen deur die magtige Oranjerivier uit die granietrots gekerf is, deurentyd ’n indrukwekkende natuurverskynsel om te aanskou, ongeag watter tyd van die jaar.

Daar is egter soveel meer aan die Augrabies-waterval- Nasionale Park as net die bekende Augrabies-watervalle, wat somtyds sterk vloei en ander kere nie so sterk nie.

Volgens Matthys Burger, ’n veldgids by die Augrabieswaterval- Nasionale Park, gebruik besoekers dikwels dié park as ’n oorslaapplek op pad na die gewilde, maar verafgeleë Kgalagadi-oorgrenspark en raak hulle só in vervoering met dit wat hulle hier te siene kry dat hulle op die ingewing van die oomblik besluit om ’n dag of twee langer te bly.

“Dit is ’n droë en harde plek, maar ook mooi op sy eie manier,” vertel Burger.

Soos Pieter van der Walt dit raak opsom in sy boek Augrabies Weelde, is dit ’n plek van groot geraas in ’n omringende paradys van stilte. Hierdie droë en rotsagtige paradys van 55 000 ha aan weerskante van die Oranjerivier bevat ook ’n magdom plant- en dierspesies wat uniek aan die gebied is.

Die kleurvolle mannetjies Augrabies-platakkedis met sy helderblou-en-oranje skubbe is een van die skaars en unieke reptielspesies wat ’n besoeker hier aantref. Die rotsagtige landskap bied ’n magdom skuilplekke vir rotsspesialiste soos dié om in klein skeurtjies te oorleef.

Staproetes soos die Klipspringer-wandelpad (40 km) en die veel korter Dassie-wandelpad (5 km) in die park is vernoem na die interessante dierspesies wat die rotse en klipvelde om die Augrabies-waterval hul tuiste noem.

Dan is daar ook die kokerboom, daardie alombekende plantsimbool van die westelike klipvelde wat geen fotograaf kan weerstaan nie.

Geologies gesproke is die park ook ’n interessante plek om te besoek. Benewens die indrukwekkende kloof is daar talle majestueuse rotsformasies met skilderagtige en beskrywende name soos Maanrots, Ararat en Eggohoek om te besoek.

As ’n mens die natuurprag van die park in sy volle glorie wil ervaar (en genoeg geld het) móét jy eenvoudig ’n aand onder die sterre in die luukse Gorge Cottage op die kranse bo die Oranjekom-ravyn in die bewaringsgebied deurbring.

Dié selfsorgeenheid vir twee is onder die uitkykpunt by Oranjekom gebou, waar besoekers die ravyn met al sy wonderprag kan besigtig.

Dit bied besoekers die geleentheid om letterlik met deure en vensters oop te slaap en te sien hoe die son oor die aarde sak en weer verrys. Dit is nou as jy nie bang is vir die trop bobbejane wat gereeld daar verbybeweeg of ogies wat in die donker glinster nie.

Die Gorge Cottage is gebou omdat die hek na die veldroetes om 19:00 sluit en besoekers voorheen nooit werklik die prag en rustigheid van ’n aand hier onder die sterrehemel kon benut nie.

  • As jy die park op ’n skoenveterbegroting wil ervaar, bied die 60 selfsorgeenhede naby die hoofwaterval ’n bekostigbare alternatief. Die Augrabieswaterval- Nasionale Park is op 5 Augustus 1966 amptelik by die staat se natuurbewaringsprogram ingelyf.) Besoek www.sanparks.org vir meer inligting.

Die Augrabieswaterval-
Nasionale Park is ’n droë en harde plek, maar met ’n unieke mooi aantrekkingskrag, het Christiaan Cloete op ’n onlangse besoek uitgevind.

NEXT ON NEWS24X

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.

Inside News24

 
/News
Traffic Alerts

Jobs in Cape Town [change area]

Jobs in Western Cape region

SQL Reporter

Cape Town
Communicate Cape Town IT
R10 000.00 - R12 000.00 Per Month

Cluster Financial Manager

Cape Town
Network Finance
R950 000.00 - R1 000 000.00 Per Year

Reporting Accountant

Cape Town
Network Finance Professional / Prudential
R310 000.00 - R360 000.00 Per Year

Property [change area]

There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.