Bomme ke masupatsela

2018-08-15 06:01
Itumeleng Ditaunyane Social Observer

Itumeleng Ditaunyane Social Observer

Multimedia   ·   User Galleries   ·   News in Pictures Send us your pictures  ·  Send us your stories

Ka la 9 Phatwe 1956 bomme ba Aforikaborwa ba ba fetang 20 000, ba merafe yotlhe ba ne ba lwela kgololosego ya bona.

Bana ba gwantela kwa Union Buildings, ba kgaratlha kgatlhano le molao wa dipasa wa Urban Areas Act of 1950. Mo kgweding eno re lebisa tlotlo le ditebogo go bomme. Kana mme o re tsetse rotlhe; ka re le Morwa Motho tota. Mme o mabogodika.

Morutabana wa ntlha wa ngwana ke mme.

O mo ruta go dula, go gagaba, go ema, go tsamaya, go bua, go tlhapa, maitseo le tse dingwe.

O ka tlhomoga pelo go bona mme a tswa tirong, a tla a lapile, a fitlhele ngwana wa sekolo a mo emetse go mo thusa tirogae.

Ka dinako dingwe ngwana o batla thuso ka serutwa se mme a sa se tlhaloganyeng sentle. O tlaa dira ka gotlhe gore ngwana a thusege.

Fa go le metshameko kwa sekoleng, gantsi mme ke ena motsadi yo o tshegetsang ngwana le go mo rotloetsa go dira ka natla. Dikopano kwa sekoleng tse di tlhokang batsadi, bogolo jwa batsadi ba ba di tsenelang ke bomme.

Bomme ba bantsi ke badumedi. Dikereke di tletse bomme.

Gantsi ke bona ba rutang bana go rapela, go tsena mekgatlo ya kereke le go buisa Beibele ka gale.

Mme ke mooki wa ngwana. Fa ngwana a bobola, mme ke ena motho wa ntlha go lemoga le go mo tlhokomela.

Le gare ga bosigo o tla fitlhela mme a nosa lesea melemo gore o fole. Fa go le maruru o mo apesa gore a se utlwe serame.

Fa lesea le gotetse le gona mme o tla tlhokomela gore le thuthafale. Fa lesea le tshwanelwa ke go fetolelwa mengato le thusiwa ke mme.

Ka gale mme ke seapei sa lelapa. Balelapa ba bone maikatlapelo a go dira ditiro tse di fapaaneng.

O baakanyetsa balelapa diyamaleng tsa letsatsi lotlhe. O baakanyetsa mogatse le bana dijo a be a ba fe mefago ya go ja kwa sekoleng le kwa ditirong.

Mme a dira kgotsa a sa dire, ke ena motlhokomedi wa ntlha wa lelapa. O bona gore ntlo e nne phepa.

O tlhokomela gore diaparo tsa balelapa di phepa ka dinako tsotlhe.

Fa go ka twe ngwana go na le phoso e a e dirileng mo motseng kgotsa kwa sekolong, mmaagwe o fetoga mmueledi wa gagwe go mo sireletsa. Ka dinako tse dingwe ngwana o phoso fela mme o kgweediwa ke lerato la setsadi. O tlaa dira ka mokgwa o a ka kgonang ka ona go thusa ngwana wa gagwe.

Mme o matla e bile o kgona go emelana le mathata. A motho wa rre a ka kgona go tsamaya letsatsi lotlhe ka setlhako sa topo e tshesane?

Mme ke pholo e e mokotla o sephara.

Ke pêtlêkê ya malemelagotlhe; makgonatsotlhe tota. Ga a na letsatsi la boikhutso. A letsatsi le lengwe le lengwe e nne Letsatsi la Bomme gonne ba dira ka thata kwa ntle ga tuelo epe.

A Modimo A re bolokele bomme!

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.