Boulella Boswa ba gago

2017-09-27 06:00
Itumeleng Ditaunyane Social Observer

Itumeleng Ditaunyane Social Observer

Multimedia   ·   User Galleries   ·   News in Pictures Send us your pictures  ·  Send us your stories

Mogologolo o rile pelo e se nang phufa selo e a bo e se sa yona. O ne a bolela gore se e leng sa gago o a se boulella. Le fa se lebega e se sa botlhokwa o ipela ka sona fela gonne e le sa gago. Motsadi a rata ngwana wa gagwe le fa e ka nna seganana jang. O ka bona fa motsadi a mo laile, a mo kgalemeletse mekgwa e e duleng mo tseleng, e re fa ngwana a tlotse molao o wa motsadi a bile a le kwa kgolegelong , ena motsadi o boa a mmatlela mmueledi a sa re o laegile ka a paletswe ke go mo ikobela.

Setso sa gago le sona se tshwanetse go tsewa jalo. Ke sona sa rona se se re saletseng ,se se re rutang le go re gopotse gore re tlholegile jang, re bomang. Jesu Keresete gonne e ne e le Mojuta, o ne a rupisiwa go ya ka moetlo wa segagabo.

Kana go monate jang go ipela ka se o leng sona. O utlwe Mokgoro o ipoka ka mabela a re, “ Ke motho wa ga Masetlhodiane kgosi ya mosadi”. Fa go bokiwa mosadi wa Motlhaping go twe, “Mosadi wa go bolaya noga banna ba le teng”. Fa e le gore o ne o ntse o ipotsa gore a mosadi e ka nna moeteledipele, mogologolo o setse a go arabile ka mabôkô a. E bile o opile kgomo lonaka. Gopola gore morutabana wa me, moswi Mme Winkie Direko. E ne e le Motlhaping. Bona o nnile mogokgo wa sekolo se segolo sa Sehunelo, a etelela pele mekgatlo e mentsi ya bosetšhaba, a ba a nna MoPremiri wa Foreisetata banna ba ntse ba le teng. Morolong ena a re, “ Ke mmina-tshipi e ntšho nôtô”. Gonne nôtô ke hamore, o bolela gore o thuba mathata le dikgwetlho jaaka hamore a ikokobeditse e bile a sa itsholetse gonne hamore ke tshipi e e sa phatsimeng.

Goreng batho ba bogologolo ba ne ba se na malwetse a a kotsi a gompieno? Dijo tsa setso tsa metlha eo ne e le maungo le merogo bogolosegolo. Boupe jwa bona jwa mmopo le mabele bo ne bo sa ntshiwe ditlheferetsi. Tse ke tsona dijo tse di nang le dikotla go matlafatsa mebele. Gompieno rona ka metlha re ja eng? Skhambane, bôrôsô, dichips, divetkoek, dirussian, senuku, atchaar, dimanamone jalo jalo. Ga di na dikotla e bile di mafura, sukiri le letswai. Ga di a siamela boitekanelo jwa mmele. Mafura a re bolaisa kholeseterolele le go nona. Letswai le re bolaisa kgatelelo ya madi. Sukiri e a nontsha e bile ga twe e ratiwa ke disêlê tsa kankere. E re gakaletse le bolwetse jwa sukiri.

Bojalwa jwa gompieno ke jo bo bogale e bile bo tlhwatlhwa e e kwa godimo.

Bojalwa jwa setso bona bo itumedisa motho fela o be o utlwe a opela difela.

Rata sa gago, o se tlhoye sa ga ope!

NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.