Drama bied terapie

2018-03-28 06:02

“Die wêreld van ’n persoon met outisme is dikwels ’n eensame een. Hoewel hulle in meeste gevalle goed kan verstaan, sukkel sommige mense met outisme om verbaal met ander te kommunikeer. Dit dra by tot hul isolasie.”

Só vertel die drama-onderwyser Marlene Zwiegers wat drama-klasse aan kinders met outisme, in samewerking met Elize van der Walt, aanbied.

Sy het ’n gedeelte van haar huis in Kimberley in ’n drama-ateljee – die Gruispad-teater – omskep.

By Zwiegers se klasse dien drama as ’n vorm van terapie waarmee sy speel-speel help om kinders met outisme uit hul dop te laat kruip.

Die werk wat sy doen is volgens Zwiegers op navorsing geskoei wat sy vir haar pas goedgekeurde doktorsgraad in outisme en drama gedoen het, asook praktiese werk met kinders in dié spektrum sedert 2003.

“Hierdie navorsing word gekombineer met Elize van der Walt (’n vriendin) se waardevolle en praktiese, gespesialiseerde kennis op die gebied van kinders met spesiale behoeftes, wat sy oor bykans 30 jaar opgebou het,” vertel sy.

Hierdie gespesialiseerde projek word tans moontlik gemaak deur Autism South Africa wat kinders met outisme, en hul families ondersteun.

“Outisme-spektrumsindroom bring mee dat kinders uitdagings rondom sosialisering, kommunikasie, gedrag en sensoriese sensitiwiteite ervaar.

“Drama kan gebruik word om kinders met outisme op ’n prettige manier te help om speel-speel te ontwikkel. Kinders is lief vir speel en dit geld ook vir kinders in die outisme-spektrum,” sê sy.

“In die dramaklas maak ons gebruik van spesifieke aktiwiteite om sosialisering te bevorder. Asemhalingstegnieke, strek, dans, musiek en beweging word aangewend om die angstigheid in die kinders te verminder en hulle ’n tegniek te gee waarmee hulle hulself kan leer om die angstigheid te beheer wanneer hulle nie by die dramaklas is nie.

“Rolspel, improvisasie en stories vorm deel van speel-aktiwiteite waar ons met pret sekere sosialisering en kommunikasie-vaardighede vir die kinders leer. ’n Oorgangsaktiwiteit aan die einde help hulle om te verstaan dat die klas voltooi is sodat hulle gereed kan voel om huis toe te gaan.

“Hierdie soort tegnieke is outisme-ingrypingstegnieke. Dit is ook outisme-vriendelik en is bedoel om die kind met outisme te help op ’n manier wat sy funksionering aanspreek.

“Dit help hulle ook om beter te funksioneer,” vertel sy.

Tans werk Zwiegers en Van der Walt met vyf mense wat outisme het. Leerlinge van plaaslike skole word ook betrek om met klasse te help.

In dié dramaklasse word die leerlinge maats met die kinders met outisme.

“Ons speel en maak stories en van albei kante kom daar baie begrip. Die kinders op die outisme-spektrum is minder in isolasie en die leerlinge wat met hulle werk is verstom om die anderkant van hierdie kinders te ontdek – dit is ’n kant wat verby gestremdheid kyk en die kosbare kind met outisme se wese ontdek en raaksien,” vertel Zwiegers.

Op dié manier help dit ook om bewustheid oor outisme in die gemeenskap te skep.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.