Klagtes na “sirkus” in

2018-10-03 06:00

Die DA en EFF het Maandag (2018/10/01) gesamentlik kriminele klagtes teen die waarnemende speaker van die Sol Plaatje-munisipaliteit, Ben Springbok, by die Kimberley-polisiestasie gelê nadat ’n raadsvergadering Vrydag (2018/08/29) in chaos ontaard het en raadslede van opposisiepartye met vol waterbottels, glas en blikke gegooi is.

Die DA se provinsiale leier in die Noord-Kaap, Andrew Louw, het Maandag gesê dat Springbok geweier het om teenoor die amokmakers op te tree terwyl raadslede se lewens in gevaar gestel is.

“Die speaker het absoluut niks gedoen om die raadslede teen die intimidasie en vandalisme wat ons Vrydag gesien het te beskerm nie.”

“Die speaker het op geen stadium sekuriteitswagte ingeroep nie. Trouens, die sekuriteitswagte het ledig gestaan en toekyk te midde van die chaos.

“Die minste wat die speaker kon doen was om die mense in die openbare galery te vra om hulself van die vergadering te verskoon.

“Ons kan nie ’n situasie toelaat waar raadslede geïntimideer voel en te bang is om raadsvergaderings by te woon nie” het Louw gesê.

Rdl. Sharon Steyn (DA), een van die raadslede wat Vrydag deurgeloop het, het Maandag ’n koeldrankblikkie en ’n glasbottelkop waarmee sy bestook is as bewyse by die polisie ingedien.

Steyn vertel hoe sy glo onder die banke van die raadsaal moes skuil toe dit blikkies, bottels en glas gereën het.

Sy is een van talle raadslede wat raakgegooi is. Ander raadslede wat deurgeloop het sluit rdl. Bernadette Francis, (DA), rdl. Millicent Moloholo (EFF) en rdl. Herbert Miller (EFF) in.

Springbok het Maandag in reaskie op Louw se aantygings gesê dat hy niks gedoen het om teen die amokmakers op te tree nie verwerp.

Volgens hom het hy wel die mense in die publieke galery en raadslede gevra het om hulself te gedra.

Volgens Springbok was sy mikrofoon aan en behoort daar ’n opname te wees van wat hy alles gesê het..

Die Sol Plaatje-munisipaliteit is steeds burgemeesterloos nadat lede van die ANC, wat in die openbare galery gesit het, Vrydag die raadsvergadering onderbreek het toe hulle raadslede met plastiekbottels, glasbottels en blikkies bestook het.

’n Nuwe burgemeester sou tydens die omstrede vergadering vir die Sol Plaatje-munisipaliteit gekies word.

Dit volg op die bedanking van Mangaliso Matika as uitvoerende burgemeester van die Sol Plaatjemunisipaliteit ná druk uit die gemeenskap.

Patrick Mabilo tree op as waarnemende burgemeester tot ’n nuwe burgemeester ingehuldig sal word.

Mabilo was die ANC se keuse as nuwe burgemeester maar daar is ’n faksie in die ANC wat rdl. Pula Thabane as burgemeester verkies.

Ná ’n verdaging van die vergadering het verskillende ANC-faksies die vergadering ontwrig.

Die ANC het na afloop van die vergadering aangekondig

dat hy drie van sy proporsionele raadslede in die Sol Plaatje-munisipaliteit in Kimberley gaan afdank en dringende tugstappe teen agt wyksraadslede doen ná Vrydag se ontwrigte raadsvergadering.

Die DA het ook die Noord-Kaapse premier, Sylvia Lucas, daarvan beskuldig dat sy bllot met gevoude hande sit en toekyk en niks gedoen het om die situasie in die Sol Plaatje-munsipaliteit te beredder nie.

Louw het gesê dat die DA nie met gevoude arms sal sit en toekyk hoe die ANC probeer om demokatiese prosesse te probeer ronderdruk (“stifle”) nie.

Intussen het die Noord-Kaapse LUR vir samewerkende regering en tradisionele sake (Kogta), Bentley Vass, Maandag (2018/10/01) in ’n verklaring gesê dat die uitslae van ’n forensiese ondersoek rakende die Sol Plaatje-munisipaliteit se geldsake tydens die volgende raadsvergadering bekend gemaak sou word.

Die volgende raadsvergadering vind glo Woensdag (03/10) plaas.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.