Langeraat gee sonkrag

2018-04-18 06:00
’n Sonkragspieëltoring, wat hoër as die Carlton-gebou in Johannesburg sal troon, sal sonkrag aan meer as 200 000 huishoudings verskaf. Dit gaan by Postmasburg opgerig word.Kunstenaarsvoorstellings: Verskaf

’n Sonkragspieëltoring, wat hoër as die Carlton-gebou in Johannesburg sal troon, sal sonkrag aan meer as 200 000 huishoudings verskaf. Dit gaan by Postmasburg opgerig word.Kunstenaarsvoorstellings: Verskaf

Multimedia   ·   User Galleries   ·   News in Pictures Send us your pictures  ·  Send us your stories

Die Noord-Kaap sal eersdaags met een van die hoogste betonstrukture op die vasteland van Afrika spog.

Daar word beplan dat die Redstone-sonkragspieëltoring naby Postmasburg in die Noord-Kaap opgerig sal word. Dié beplande toring, wat 250 m hoog sal wees, sal slegs ’n rapsie korter as die Hillbrow-toring in Johannesburg (269 m) wees, wat die hoogste toringstruktuur in Afrika is. Dit sal effens hoër as die Carlton-sentrum (223 m), die hoogste gebou in Afrika, wees.

Die 100 MW aanleg sal jaarliks 480 000 MW uur skoon en hernubare elektrisiteit aan die nasionale kragnetwerk kan lewer, genoeg om 200 000 Suid-Afrikaanse huishoudings elke jaar van krag te voorsien.

Die internasionale SolarReserve-konsortium en Power and Water (ACWA Power) het verlede week die aankondiging gemaak nadat die regering ’n R56 miljard-kontrak met 27 onafhanklike kragprodusente onderteken het. Die toring sal langs die bestaande 75 MW Lesedi-sonkragaanleg en die 96 MW Jasper-sonkragaanleg buite Postmasburg opgerig word.

Dié aanlegte gebruik sonkragpanele om krag op te wek. Die Redstone-projek is glo ’n eerste van sy soort in Afrika en gebruik ThermaVault gekonsentreerde-sonkrag-tegnologie wat gesmelte sout as hitte-oordrag vloeistof en stoormedium gebruik om krag wat opgewek is te berg. Die aanleg kan vir 12 uur krag berg.

  • Die proses werk so: Stroke gebuigde spieëls in ’n spieëlveld rondom die toring help om die son se hitte op ’n ontvanger op die 250 m hoë toring te konsentreer. ) Vloeibare sout wat by ’n temperatuur van 288 °C gestoor word, word deur die toring en deur die ontvanger opgepomp, waar dit tot 566 °C verhit word) Die verhitte sout beweeg dan weer met die toring af en word in ’n souttenk gestoor.) Die warm sout word dan deur ’n stoomkrag­opwekker gepomp, wat ’n stoomturbine dryf wat elektrisiteit opwek.

Volgens Mary Grikas, ’n woordvoerder vir die Solar Reserve-konsortium, sal die Red­stone-projek tot 17 uur per dag elektrisiteit in spitstye verskaf. Die aanleg het die vermoë om daagliks 1 200 MW elektrisiteit te berg.

Kevin Smith, uitvoerende hoof van Solar­Reserve, sê: “Ons kan elektrisiteit volgens behoefte verskaf, soos wat steenkool-, olie-, gas- en kernaanlegte doen, maar sonder die skadelike besoedelinge en gevaarlike stowwe.

“Ons hoef nie brandstof te koop en aan wisselkoerse blootgestel te word nie.

“Ons dra graag by om energie aan Suid-Afrika te verskaf sodat langtermyn ekonomiese ontwikkeling- en werkskeppingsdoelwitte bereik kan word.

“Die projek sal ook nuwe sake­geleenthede meebring.”

Alistair Jessop, senior adjunkpresident, sê hulle belê met dié projek meer as R1,3 miljard in ekonomiese en sosio-ekonomiese ontwikkeling.

“Ons sal meer as 4 000 werksgeleenthede in die konstruksiefase skep, wat meer as drie miljoen werksure behels. Sowat 43% sal aan plaaslike toerusting bestee word. Ons het ’n swart ekonomiese bemagtiging aandeelhouding van 25%.

“Ons sal meer as R700 miljoen aan klein en medium-sakeondernemings en sosio-ekonomiese projekte oor 20 jaar bestee.”

Hy reken hulle sal belasting van R7 miljard oor 20 jaar betaal.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.