‘Leboko le le lebisitswe ko basading ba ­Aforika mo kgweding ya basadi’

2017-08-16 06:03

Leboko la Mosadi

Mosadi mmaditshaba, mosadi mmabatho

O sekgatlhamela masisi ebile o bosisi

O bonolo ka tebego le motsamao

O boikobo, Boingotlo le matsetseleko

Le fa o le o bonolo ke mang a ka lebalang

A lebala ngwaga ole lo bofile dituku

Lo ipiditse difuba go lwela banna ba lona

Lo ba lwela kgatlhanong le di dompass

Lwa leba Union building go lwela ditshwanelo

Lo ne lo tshwanetse ka lo bang ba mbu

Lo bua lefoko le le lengwe fela lore

Lo lapile ke gore bantsho ba tsamaye ka makwalo itshupo

Go itshupa go tlola melelwane nageng ya bona

Bona o tshipi, o Kakapa

O e tshwara bogaleng banna ba e tshaba

Setshaba se godile ka ‘baka la gago

O belege bagaka, dikgosi le barutegi

O rutile bana melao le tolamo

O sireletsa bana jaaka koko

Jaaka koko kgatlhanong le ntswi

Fa dijo di seo ga ore Rre o majako

O emelela go selaselela bana

O tsholetsa magetla o emeletse

O ema ka maoto bana ba buge legaba

Boagisani ke selo sa gago

Ga gago ke ga bana botlhe

O phutha dikhutsana go bona ba jele

Ga o robale ka tlala wa tlalatlala

O puo e bonolo jaaka lephoi

Tseo tsotlhe ka o le motho le tshiamo

Pelo ya gago e phepha le fa o sotlakiwa

Pelo ya gago e phepha go ka jelwa mo go yone

Ke ikuela go dirukhutli

Diganana, dibeteledi, dilalome

Go itsi fa lo le basiame lo itidimaletse

Ba emise go lo sotlakaka

Kana nka bua ka fetsa ngwaga

Ngwaga le ngwaga lo belegile

Lo sela le masea lo sa a itsi

Lo a tsaya go a godisa

Hee mosadi o botlhokwa ele tota

Tota botshelo ntle le wena ga bo a felela

O sengwe le le sengwe

Ka nako tsotlhe go mogwe le mongwe

O tshimega

NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.