Banakekela abadinga usizo

2016-08-09 06:00
isithombe: nosipho mkhize Umsunguli wenhlangano ye-UBuntu Crisis Centre uNks Pumla Mbelu.

isithombe: nosipho mkhize Umsunguli wenhlangano ye-UBuntu Crisis Centre uNks Pumla Mbelu.

Multimedia   ·   User Galleries   ·   News in Pictures Send us your pictures  ·  Send us your stories

OWESIMAME wase-Wyebank owasungula inhlangano i-uBuntu Crisis Centre ngo-1999 uthe waqala le nhlangano emva kokubona indlela imindeni eminingi ixakeke ngayo futhi iningi lama lungu ayo ayizintandane.
UNks Pumla Mbelu uthe: “Ngangiwu nompilo womphakathi ngijwayele ukuvakashela imindeni ngiyifundise ngokuthola isibonelelo sika hulumeni ngibasize begcwalise ama-form akhona, ngiphinde ngiba fundise ngokuphila impilo yokuzinakekela.”
Uthe ngokuhamba kwesikhathi wathola ukuthi iningi lale mindeni ayidingi ukufundiswa ngalezi zinto nje kuphela, ngoba iningi layo lihlukumezeke ngezindlela ezehlukene.
Uthe: “Iningi lemindeni yayi xakwe ububha, iningi lezi ngane zazi shiywe abazali, abanye babe bulawa isifo sesandulela ngculazi.
“Amakhaya amaningi aye mahle uma uwabuka ngaphandle kodwa uma ungena ngaphakathi wawuthola ukuthi amalungu omndeni ahlukumezekile, njengokuthi ubaba wekhaya ushaya uNkosikazi wakhe phambi kwezingane futhi amuthuke ngenhlamba phambi kwezingane. Lapho ingane ikhula yazi ukuthi inhlamba yinto enhle. Ngabona ukuthi lukhulu ushintsho nosizo olu dingakalayo,” kusho yena.
Ngaleso sikhathi uNks Mbelu waye sebenzisana nowesi mame ovela kuMasipala weTheku okunguNks Mpho Mthembu omunye esuka eHillcrest uJoey du Plessis okuyibona abalekelela ekutheni aqale ingadi nomphakathi wase Wyebank.
“Ngo-2000 ngaba nombono wokuthi kuqalwe ingadi ezolekelela umphakathi. Kwakune hlathi elali setshenziselwa ubugebengu, abantu bebe bulawa belahlwe kulelo hlathi, abanye bedlwengulwa. Ngaqoqa amalungu omphakathi ukuthi bebhushe lelo hlathi elali setshenziswa yizi gilamkhuba. Ngabe sengibafundisa ukuthi beyiqale kanjan ingadi.”

Inhloso yale nhlangano ngaleso sikhathi kwakuwu kufundisa amalungu omphakathi ngesifo sesandulela ngculazi bephinde belekelele nalabo abaxakekile.
“UMnyango wezeMpilo walekelela ekuqeqesheni onompilo bomphakathi ukuze bekwazi ukululeka abalungu emindeni nalabo abathintekayo yilesi sifo. Okunye esikwenzayo ukululeka abahlukumezeke ngezindlela ezehlukene, yilabo abasebenzisa izidakamizwa ezingekho emthethweni, izingane ezihlukumezekile, ezidlwenguliwe neziyi zintandane.

“UMasipala weTheku wasixhasa ngemishini yokuthunga ukuze siqale i-project nomama base ndaweni.”
I-UBuntu Crisis Centre inxusa amalungu omphakathi, osomabhizinisi nezinhlangano ezehlukene ukuthi bebaxhase.

Uma uthanda ukwazi kabanzi ngale nhlangano shayela inombolo ethi: 031 707 6198 noma uthumele ngekhekheli le email elithi: info@ubuntucrisiscentre.org.za

NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.