Baviaans se toeriste juweel

2016-07-21 06:00
Smul aan die heerlikste roosterbrood by Vero’s Restaurant geleë op die T1 in die Baviaanskloof. Foto’s: MONIQUE BASSON

Smul aan die heerlikste roosterbrood by Vero’s Restaurant geleë op die T1 in die Baviaanskloof. Foto’s: MONIQUE BASSON

Multimedia   ·   User Galleries   ·   News in Pictures Send us your pictures  ·  Send us your stories

VAT die kronkel grondpad na die Baviaanskloof . . . ry deur die Nuwekloofpas - die amptelike ingang na die kloof - verby Raaskrans, die Baviaanskloof-sleutel en twee geroeste motors van vervloë jare wat langs die pad waghou.

Net voor jy Klipvenster en die Sewe Dwergies kry, daar op die draai by Vero’s Restaurant, hou by die winkel met die plante op die dak stil en gaan loer in.

Baviaansbesoekers kry hier handgemaakte produkte wat van leertasse en unieke braai-roosters tot Karoo-engele en klipjuwele insluit: die produkte van handwerk-kunstenaars in die groter Baviaans-munisipale distrik - van Steytlerville, deur Willomore na Rietbron, Vondeling en die Baviaanskloof.

Dié winkeltjie, die Baviaans Craft-winkel, is in 2011 deur die Baviaans-munisipaliteit op die been gebring en is deel van ’n plaaslike ekonomiese ontwikkelingsprojek om kunstige en vlytige handwerkers van die distrik op te lei.

Loop oor die pad na Vero’s Restaurant, en smul aan die heerlikste roosterbrood met heuning van Bo-kloof en ’n koppie egte boeretroos by die bankie onder die bome langs al die klippe, vetplante in blikkies, verlore wieldoppe en ’n paar bobbejaanskedels.

Veronica, bestuurder van die BaviaansCraft-winkel, en tant Mieta Meganie bedryf dié toeriste-juweel sedert 2005 vanuit hul ne-derige informele huis en lok jaarliks honderde besoekers.

As ’n mens eers jou tande diep in die roos-terkoek wegslaan en die heuning drup by jou mondhoeke uit, verstaan jy presies wáárom die eenvoudige plek so gewild is. Die stilte omvou jou, en net so af en toe hoor jy ’n bok na sy maat roep.

Volgens Veronica het soveel toeriste by hul huis gestop vir iets om te eet of te drink. “Ek kon hulle mos nie met ’n leë maag of droë keel wegstuur nie.” En so is Vero’s gebore.

“Die restaurant het al ons verwagtinge oortre,” sê sy. “Gedurende Desember-vakansies word ons deur besoekers oorval.”

NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.