Boere, plaaswerkers betoog ná aanval

2018-04-05 06:03
Boere van die gemeenskap het met plakkate voor die hof in Patensie gestaan waar ’n man voorgekom het weens die skiet en verkragting van ’n 44-jarige vrou op ’n plaas by Hankey. Van links is Kobus Ferreira, Catherina Wait, Rikus du Preez, Radi Ferreira en Klaus Ferreira. Foto:LELANIE DE BRUIN

Boere van die gemeenskap het met plakkate voor die hof in Patensie gestaan waar ’n man voorgekom het weens die skiet en verkragting van ’n 44-jarige vrou op ’n plaas by Hankey. Van links is Kobus Ferreira, Catherina Wait, Rikus du Preez, Radi Ferreira en Klaus Ferreira. Foto:LELANIE DE BRUIN

Multimedia   ·   User Galleries   ·   News in Pictures Send us your pictures  ·  Send us your stories

BOERE en plaaswerkers van die Gamtoosvallei in die Oos-Kaap het Dinsdagoggend saam voor ’n hof in Patensie teen misdaad betoog.

Dit is hier waar ’n 32-jarige man sy eerste hofverskyning gemaak het in verband met die skiet en verkragting van ’n

44-jarige vrou op ’n plaas by Hankey.

Die vrou en die beskuldigde se name word weerhou weens die seksuele aanklag.

“Ek ken nie die slagoffer nie, maar sy is ’n vrou, nes ek. Al verskil is dat sy ’n ander kleur vel as ek het, maar dit kon net sowel met my of een van die jong kinders in ons gemeenskap gebeur het,” het Annelie Henene, ’n plaaswerker in die distrik, voor die hof gesê.

Die slagoffer was op 23 Maart alleen saam met haar drie kinders op hul plaas by Hankey toe ’n man op ’n glasdeur van die huis losbrand.

Die man het blykbaar deur die stukkende glasdeur toegang tot die huis verkry. Die vrou is in die voorval in haar laerug raakgeskiet, waarna sy verkrag is, glo ten aanskoue van haar jong kinders.

Hierna het die aanvaller haar na ’n kitsbank geneem, waar hy geld onttrek het. Die vrou het daarin geslaag om te vlug terwyl die man besig was om geld te onttrek.

Die polisie se provinsiale georganiseerde misdaadondersoekeenheid het verlede Woensdag die beskuldigde in die Nketlana-nedersetting, etlike kilo-meter van die Lesotho-grens, met klere van die slagoffers in sy besit betrap.

Volgens die polisie is die beskuldigde ’n voormalige seisoenale plaaswerker op die plaas. Hy het in Desember 2016 laas op die plaas gewerk.

Die beskuldigde het sy gesig met sy rooi baadjie toegevou toe hy Dinsdag in die stampvol hof ingestap het.

Hy is aangekla van roof met verswarende omstandighede, diefstal, die besit van ’n ongelisensieerde vuurwapen en ammunisie, verkragting, huisroof, vier aanklagte van ontvoering en vier aanklagte van poging tot moord. Die saak is tot 16 April vir verdere ondersoek uitgestel en die beskuldigde bly in aanhouding.

Carel Versfeld van die Hankey-buurtwag het Dinsdag die saamtrek voor die hof gereël en sê die boere, plaaswerkers en gemeenskapslede staan saam teen misdaad.

Hy sê die aanval het skokgolwe deur die hegte gemeenskap gestuur.

“Dit is sekerlik een van die ergste voorvalle onlangs in dié gebied en ons is hier om te wys ons sal dit nie aanvaar nie.

“Ons is juis nou besig om gebeurlikheids-planne op te stel vir enige soortgelyke voorval en rampe.”

Monika Boecker, ’n buurtwagstigter, sê sy het die buurtwag sowat ses maande gelede gestig weens die toename in misdaad.

“Die groep was eers net ’n paar mense in die straat om my huis. Nou staan ons al op 20 patrollielede wat help met waarneming en noodhulp.

“Dit is nie net die boere wat deurloop nie. Dit is ook die plaaswerkers wat onder misdadigers deurloop.”

Volgens Yoliswa van Rooyen, ’n plaaswerker, is dit nie die plaaslike mense wat vir die meeste van die misdaadvoorvalle in die gemeenskap verantwoordelik is nie, maar wel die mense wat van buite die vallei inkom om vir die seisoen op die sitrusplase te werk.

“Die mense wat hierheen kom, laat ons as vroue onveilig voel. Ons is onveilig by die huis en in die strate met hulle hier, want hulle doen net wat hulle wil met ons vroue,” sê sy.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.