Hokkie-kaptein nasionaal vereer

2019-04-11 06:00
Die hoofmeisie en kaptein van die Woodridge College buite Jeffreysbaai se eerste hokkiespan, Edith Molikoe, is as die SA o.20-binnenshuise Speler van die Jaar aangewys.      Foto:VERSKAF

Die hoofmeisie en kaptein van die Woodridge College buite Jeffreysbaai se eerste hokkiespan, Edith Molikoe, is as die SA o.20-binnenshuise Speler van die Jaar aangewys. Foto:VERSKAF

Multimedia   ·   User Galleries   ·   News in Pictures Send us your pictures  ·  Send us your stories

BAIE jongmense droom daarvan om hul land op die sportveld te verteenwoordig, maar dit is selde dat iemand in graad 11 al die geleentheid kry om vir die senior nasionale span in toetswedstryde uit te draf.

Dis presies wat Edith Molikoe van Woodridge College buite Port Elizabeth verlede jaar in hokkie vermag het.

Sy het so goed gespeel dat sy ’n besonderse prys ontvang het.

Suid-Afrikaanse binnenshuise hokkie het vroeër vanjaar vir Edith, tans in graad 12, as die o.20-vrouespeler van die Jaar aangewys. Binnenshuise hokkie is ’n somer- en wintersport en die 2018-seisoen het eers ná ’n oorsese toer vroeg vanjaar geëindig.

Edith het verlede jaar haar toetsdebuut vir die SA-vrouespan gemaak en intussen al in vyf toetsreekse haar hokkiestok geswaai. Haar vaardighede het aandag getrek, al was sy die jongste spanlid.

Binnenshuis speel sy vir die Vipers-klub in Port Elizabeth, maar by die skool is sy ewe bedrewe in veldhokkie. Sy was verlede jaar een van twee Woodridge-spelers wat vir SA-spanne gekies is. Edith was ’n lid van die SA o.18-span, terwyl haar skoolmaat Kamva Dyaklala vir die o.17 SA-span gekies is.

By Woodridge is Edith vanjaar hoofmeisie en vir die tweede jaar die kaptein van die eerste-meisiespan. Haar skoolloopbaan by Woodridge het in graad 8 begin nadat ’n afrigter haar talent tydens OP-proewe raakgesien het.

’n Gebreekte vinger het haar vanjaar ’n paar skoolwedstryde laat misloop, maar sy sien uit daarna om vandeesmaand by die interprovinsiale toernooi op haar pos te wees.

Die binnenshuise SA-span het verlede jaar in toetsreekse met Zimbabwe en Namibië afgereken. Daarna het hulle in die All Stars-toernooi te staan gekom teen ’n uitnodigingspan, saamgestel uit nasionale spelers van verskillende lande. Met dié taai teenstand kon die Suid-Afrikaners nie die oorhand kry nie.

In Januarie het Edith-hulle besonder goed gevaar op hulle toer na Switserland en die Tsjeggiese Republiek. Die SA-span het die reeks teen Switserland gewen en gelykop gespeel teen die Tsjegge.

Edith beskryf die toer as die hoogtepunt van haar ervaring as hokkiespeler tot dusver.

“Dit was net die beste ondervinding waaraan ’n mens kan dink,” sê sy.

Binnenshuise hokkie, vertel Edith verder, is blitsvinnig. “Daar is nie kans om te dribbel nie. As die bal aan jou stok raak, moet jy dadelik weet waarhéén om te speel.”

Sy beveel dit aan vir alle hokkiespelers wat wil verbeter. “Dis uitstekend vir fiksheid en ontwikkel jou bewustheid van die speelveld om jou. Die lyne wat ’n mens hardloop, is anders, maar dit verbeter jou insig in die spel.”

Haar raad aan jong hokkiespe-lers is uithou en aanhou. “Moet nooit opgee nie, maak nie saak wat gebeur nie.”

NEXT ON NEWS24X

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.

Inside News24

 
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.