Honde-aanval slagoffer herstel goed

2018-08-30 06:00
Die fyngeboude en saggeaarde eienares van Body Stress Release (BSR) in Jeffreysbaai, Elmi Brink, moes honderde steke kry nadat twee pitboele haar op Maandag, 6 Augustus rondom 10:30 in Kabeljousstraat aangeval het.                             Foto:MONQIUE BASSON

Die fyngeboude en saggeaarde eienares van Body Stress Release (BSR) in Jeffreysbaai, Elmi Brink, moes honderde steke kry nadat twee pitboele haar op Maandag, 6 Augustus rondom 10:30 in Kabeljousstraat aangeval het. Foto:MONQIUE BASSON

Multimedia   ·   User Galleries   ·   News in Pictures Send us your pictures  ·  Send us your stories

“EK leef ’n lewe van dankbaarheid,” sê ’n emosionele Elmi Brink, honde-aanval slagoffer.

Dié fyngeboude en saggeaarde eienares van Body Stress Release (BSR) in Jeffreysbaai moes honderde steke kry nadat twee pitboele haar op Maandag, 6 Augustus omstreeks 10:30 in Kabeljousstraat aangeval het.

Die honde het haar arms verskeur en haar aan die kop gebyt.

Brink, wat vir ’n paar dae in die hospitaal was, moes verskeie operasies ondergaan om die ligamente en spiere in haar regterarm te heg.

“Daar was aanvanklik gevrees dat ek die gevoel in twee van my vingers sal verloor, maar dit was gelukkig ongegrond,” sê Brink.

Brink, een van vier mense wat beseer is toe die twee honde uit hul erf gekom het, vertel: “Ek en BSR-kliënt Elmarie Malan, het ’n vreeslike geskreeu gehoor en dadelik besef hier is moeilikheid: ’n bejaarde vrou, Ina Jonker, is deur twee pitboele aangeval. Haar bebloede miniatuur Yorkshire Terrier het erg bebloed langs haar gelê, terwyl haar ander miniatuur Yorkshire Terrier beangs rondhardloop het.”

Sonder om te huiwer, het die twee vroue nadergehardloop om te help. “Dit was òf iemand se lewe probeer red, òf kyk hoe sy verskeur word,” sê Brink.

“Ek het die een hond natgegooi - iets wat ek by my honde-afrigter geleer het. Hy het een tree agteruit gegee, en toe vir my gekom.

Die honde het my aan die regterarm gegryp en begin ruk . . . en ruk . . . sonder ophou. In ’n later stadium het een van die honde my regterarm gelos en my van agter bestorm en my linkerarm gegryp. Saam was hulle te sterk vir my en het my op die gras neerge-trek.

“Dit was die eerste keer wat my vegterslus gewyk het. Ek het gevoel dat ek maar kan opgee; hulle het gewen.”

Toe tree Evan Drennan, ’n buurman, tot die stryd toe.

“Die honde het my gelos en hom binne sekondes platgetrek. Dit het soos ’n slagveld gelyk: ek, Jonker en Drennan het bebloed op die gras gelê.”

Nie gereed om moed op te gee nie, het Brink weereens ingestorm en die honde van Drennan probeer verwilder - met net een gedagte: hulle kan hom nie verskeur nie.

Hulle het Brink weer aangeval.

Volgens Brink kon sy uit die hoek van haar oog sien nog twee mans aangehardloop kom; een gewapen met ’n stok.

Duiselig en aan die einde van haar kragte, het sy voetjie-vir-voetjie skuiling agter die hoë heining van die huis langs haar erf gaan soek.

Terwyl sy daar in erge pyn gelê het, het een van die honde probeer inkom.

“Ek kon vaagweg hoor hoe mense probeer om die honde weg te jaag,” sê sy.

Drennan se vrou, Margaret, wie se Duitse Herdershond weke vantevore deur dieselfde twee pitboele aangeval is, het Brink en haar man dokter toe gevat. Brink is vandaar per ambulans na Greenacres Hospitaal in Port Elizabeth geneem.

Brink sê haar regterarm is erg beskadig. “Diep stukke vleis is uitgeskeur en plek-plek kon mens die been sien. Van die ligamente en spiere is ook beskadig. My linkerarm is verder beskadig en ek moes verskeie steke aan die linkerkant van my kop en agter my linkeroor kry.

“Daar is ook minder ernstige bytplekke aan my skouers, rug en bo-arms, asook skrape aan my ore, nek en linkerenkel.

“Al my wonde genees baie goed,” sê Brink. “Dit behoort nagenoeg ses tot agt weke te neem voor ek weer albei my arms en regterhand kan gebruik. Intussen sal ’n gekwalifi-seerde BSR-praktisyn my praktyk tydelik oorneem.

“Ek kry nog fisioterapie en berading, maar ek is dankbaar dat ek leef. Ek is ook oneindig dankbaar vir al die ontferming en liefde van so baie mense, bekend en onbekend, na die aanval.”

Die eienaar van die pitboele het dieselfde dag die twee honde aan die Humansdorp Die-rebeskermingsvereniging (DBV) oorgeteken. Hulle is op die eienaar se instruksies van kant gemaak.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.