Inwoners keelvol na nóg ’n ongeluk

2017-01-26 06:01

NA nóg ’n ongeluk in Noorsekloofweg, dring inwoners nou daarop aan dat spoedbulte en verkeerstekens opgerig word om dié spoedvrate in hul spoor te stop.

’n Motor, met vier insittendes waarvan twee kinders was, het omstreeks 01:00 Maandagoggend byna deur ’n huismuur op die hoek van Noorsekloofweg en Seetuinstraat geploeg.

Volgens ’n ooggetuie het die bestuurder teen ’n hoë spoed om die draai gekom, beheer oor die voertuig verloor, oor die pad geswaai en slegs sentimeters voor ’n huismuur tot stilstand gekom. Niemand is ernstig in die onge-luk beseer nie.

Mens weet nooit wanneer ’n motor deur jou muur of huis gaan bars nie,” vertel ’n inwoner wat glo die probleem word al hoe erger. “Motoriste wat die straat gebruik verontagsaam die padreëls en oorskry die snelheidsgrens.”

Sy sê sy sukkel die afgelope paar jaar om die Kouga-munisipaliteit se aandag op dié pad gefokus te kry, ondanks petisies en vele klagtes.

“Daar is geen spoedbeheer-maatreëls nie. As ’n mens kyk na die aangrensende strate, sien jy wel ’n paar spoedbulte om spoed te be-heer.”

Volgens Kouga burgemeester, Elza van Lingen, het hulle die oprigting van spoedbulte in Noorsekloofweg ondersoek, maar is deur ingenieurs aangeraai om dit nie te doen nie as gevolg van die helling en die ontwerp van die straat.

“Ons Verkeersdepartement ondersoek tans alternatiewe veiligheidmaatreels wat geïmplementeer kan word. Dit sluit rommelstroke en spoedkameras in,” sê Van Lingen.

“Ons doen ’n beroep op motoriste om die spoedgrense te respekteer. Die grense is daar om jou, jou familie en al die ander padgebruikers veilig te hou.”

NEXT ON NEWS24X

Inside News24

 

Matric Results are coming soon!

Notify me when results become available

/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.