Jeffreysbaai-vrou by toetssentrum vas oor vervalste sertifikate

2019-05-02 06:00

n Vyfde persoon, ’n 36-jarige vrou, is in Jeffreysbaai in verband met die uitreiking van vervalste padwaardigheidsertifikate vir voertuie in hegtenis geneem.

Die vrou, wat ’n kassier by ’n toetssentrum in Jeffreysbaai was, het volgens die Valke vervalste aansoeke vir padwaardigheidsertifikate op die eNatis-stelsel gelaai.

Volgens kapt. Philani Nkwalase, Valke-woordvoerder in die Wes-Kaap, was die aansoeke vir die sertifikate vir voertuie van mense in die Wes-Kaap en was die voertuie nooit eens by die toetssentrum nie. “Die voertuie het nooit die padwaardigheidstoetse ondergaan nie.”

Hy sê die modus operandi was dat ’n tussenganger, ’n persoon in Vredenburg aan die Kaapse Weskus, die besonderhede van die voertuie by die eienaars sou kry. Die persoon sou ook die “betaling” invorder. Die geld, afhangende van die tipe voertuig, sou dan aan die betrokke persoon in die Oos-Kaap oorbetaal word.

Die besonderhede, insluitende dokumente, sou ook na die Oos-Kaap gebring of gestuur word waar die nuwe padwaardigheidsertifikate dan uitgereik sou word.

Nkwalase sê die vrou se inhegtenisneming volg ná die aankeer van vier ander mense op 12 en 13 Maart vanjaar in Jeffreysbaai, Port Elizabeth en Kaapstad.

Die vrou het verlede Donderdag in die landdroshof in Vredenburg saam met die ander vier mense verskyn.

Nkwalase het ook verwys na die inhegtenisneming van drie Somaliese burgers wat op 17 April in Grabouw in hegtenis geneem is.

Hy sê Abdi Mohamed Omar (41), Isse Abdulahi Mohamed (32) en Abdullahi Yuseg Ali (31) het die volgende dag in die landdroshof in Bellville op aanklagte van bedrog verskyn. Hulle word daarvan aangekla dat hulle van die mense is wat vervalste padwaardigheidsertifikate vir hul voertuie bekom het.

Hulle is uit op borgtog van R1 500 elk en moet weer op 4 Junie in die hof verskyn.

Nkwalase sê nog inhegtenisnemings kan volg.

NEXT ON NEWS24X

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.

Inside News24

 
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.