Oesterbaai-inwonersvereniging hou eg-plaaslike kontreimark

2019-12-19 06:00

EG-plaaslike kontreimark met keurige gebak, kraakvars produkte en geskenke vir die Kerskous . . .

Die Oesterbaai-inwonersvereniging, in samewerking met Die Windmeul en NSRI Oes-terbaai, hou vanaf 10:00 tot 17:00 op Maandag, 23 Desember hul jaarlikse kontreimark by die Oesterbaai-gemeenskapsaal.

Met nagenoeg 40 stalletjies, kan markgangers uitsien na vars produkte: aarbeie, spanspek en waatlemoen uit die Gamtoosvallei. Daar is ook proteas uit Tsitsikamma, vis, First Choice suiwelprodukte en plaaslike Angus-beesvleis van Sebastians Slaghuis – alles teen spesiale kontreimarkpryse.

Verder kan biltong, droëwors, vleispasteie, vrugtekoeke, beskuit en koekies opgeraap word, terwyl Mastertons-koffie se Oesterbaai-mengsel ten bate van die inwonersvereniging se diereprojek te koop sal wees.

Heerlike skaapstertjies oor die kole gebraai, sal te koop wees. Laatkommers kan aan sosaties, boerewors- en steakrolle, jaffels, vetkoeke, slapskyfies en hoenderstukkies smul.

’n Biertent sal sitplek bied vir dié met moeë voete en droë kele.

Die hele gesin kan hulle Kerskouse met allerlei handgemaakte hout-, leer- en keramiekprodukte vul, asook juwele, skilderye, speelgoed en hengelgerei.

Vir meer inligting, skakel Oesterbaai- inwonersvereniging se ondervoorsitter Fanie Groenewald by 082 850 3972 of stuur ’n epos na groenewaldsp@gmail.com.

NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.