Veilige hawe gesoek vir dié vroue, kinders

2018-08-16 06:00
Haar eie ervaring het daartoe gelei dat Carla Smit (tweede van regs), in samwerking met komi-teelede Nazley September, Marie Oosthuizen en Michelle Dorfling, The Ladies Lighthouse, ’n veilige toevlug vir vroue en kinders, in Jeffreysbaai begin het.             Foto:MONIQUE BASSON

Haar eie ervaring het daartoe gelei dat Carla Smit (tweede van regs), in samwerking met komi-teelede Nazley September, Marie Oosthuizen en Michelle Dorfling, The Ladies Lighthouse, ’n veilige toevlug vir vroue en kinders, in Jeffreysbaai begin het. Foto:MONIQUE BASSON

Multimedia   ·   User Galleries   ·   News in Pictures Send us your pictures  ·  Send us your stories

SY weet hoe dit voel om niks te hê nie, nerêns om heen te gaan nie.

Die angs van nie weet wat more inhou nie of waar sy kos of selfs toiletpapier vir haar drie kinders gaan kry nie. Al wat sy kon doen, was bid. En glo. En nogmaals bid.

Maar Carla Smit van Jeffreysbaai het na haar mislukte huwelik, met ’n oënskynlike voorstaande prokureur van Johannesburg, besluit om terug te veg. En om ander te help.

Carla, ’n onderwyseres by Pharos Skool en mede-stigter van The Ladies Lighthouse in Jeffreysbaai, het wakker oë wat jou sommer kan laat sien sy is reg om te woeker. Nie net vir haarself nie, maar vir al die mishandelde vroue en kinders rondom haar.

Sy wil ’n verskil maak in die lewens van die mense wat deur hul probleme ingesluk en weer uitgespoeg is. Want dit is iets wat sy goed ken.

Die fyn plooie op haar voorkop trek saam wanneer sy begin vertel waar alles in haar lewe begin skeefloop het.

“Dit is baie moeilik om daaroor te praat . . .

“Kort nadat ons van Johannesburg na Jeffreysbaai verhuis het, het my lewe handomkeer verander. Binne ’n kort tydperk het ek alles verloor: my man (ons is geskei), huis, sekuritiet, alles.

“Ek het die pad van ’n enkelma van drie kinders woes leer ken. Ons het bitter, bitter swaar gekry.

“Met geen inkomste of heenkome het ons 13 jaar terug in Victory Christian Church se huis vir hawelose vroue en kinders beland. Elke dag was ’n stryd om oorlewing; as die ander vroue nie my skoene gesteel het nie, het my haardroër verdwyn.”

Maar Carla was vasbeslote om terug te veg. Al moes sy drie werke behartig om weer om die been te kom.

Vandag bak sy kilogramme pannekoeke vir ’n ekstra inkomste.

Die silwer randjie?

Haar eie ervaring het daartoe gelei dat Carla, in samwerking met komiteelede Willie en Marie Oosthuizen, Lizette Kemp, Michelle Dorfling en Nazley September, The Ladies Lighthouse, ’n veilige toevlug vir vroue en kinders, in Jeffreysbaai begin het.

The Ladies Lighthouse

“Ek wou vir jare nie aan my swaarkry-jare dink nie,” sê Carla.

Tot wat my vriendin, Melodi van Brake, stigter van The Cradle of Hope in Krugersdorp, my verlede jaar Oktober gebel het. Die plek is ’n hawe waar weggooivroue en kinders tydelik woon en bemagtig word om op eie bene te staan voor hulle weer die lewe kan aandurf.

“Sy het dringend gebed benodig vir 13 vroue en hul kinders wat geen heenkome gehad het nie. Niemand wou hulle vir die nag inneem nie. Nie eers die kerk nie.

“Ek kon daardie aand glad nie slaap nie. En die Here het my nie daar gelos nie.

“Hy het dit op my hart kom lê dat ons ’n veilige hawe vir vernielde mammas en hul kinders moet oopmaak - ’n plek waar ons hulle kan help om weer regop en sterk in die samelewing in te gaan.

“So gesê, so gedaan . . . al was ek vreeslik benoud.”

’n Komitee is gestig, die aansoek vir ’n nie-winsgewende organisasie is ingedien, en nege maande later is dié organisasie by die Departement van Maatskaplike Werke geregistreer.

“Vroue moet weet dit is nie reg om mishandel te word nie,” sê Carla.

“Hulle moet ’n ondersteuningstelsel vind. Vroue bly dikwels om geldelike redes. Boonop is ’n vrou so gebreek omdat sy gewoond is aan die patroon van mishandeling.”

Vroue wat by The Ladies Lighthouse vir hulp aanklop, moet by die ses-weke lewensafrigting- en opheffingsprogram PULSE aansluit.

“Ons wil dié vroue leer om weer voluit te lewe, asook hoe om ’n werk te vind,” sê Carla. “Die doel is om die vroue na drie maande te-rug in die gemeenskap te plaas,” sê sy.

Verleen hulp

Carla doen ’n beroep op die gemeenskap om te help om ’n veilige hawe vir dié slagoffers te vind.

“Almal moet hande vat om ’n veilige plek in Jeffreysbaai te vind waarheen die vroue en kinders gebring kan word. Enige maandelikse bydrae, groot of klein, sal help om ’n huis vir die vroue te huur.”

Meubels, linne, breekware en elektriese toestelle word ook benodig.

Bankbesonderhede: First National Bank, The Ladies Lighthouse, account number 62774803590.

Meer inligting

Vir meer inligting, skakel Carla Smit by 079 399 8565 of stuur ’n epos na carlasmit777@gmail.com.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.