Volkswagen: In dié nuwe Tiguan pas álmal in

2018-07-26 06:01

VOLKSWAGEN se mediumgroot sportnuts, die Tiguan, het die afgelope jaar of wat eintlik ’n heel nuttige nis vir hom uitgegrawe as ’n spoggerige gesinsryding. Soveel so dat die groep nou ’n ekstra model by die reeks bygevoeg het: ’n langer sewesitplekker.

’n Mens is half skepties oor wat VW se sukses met hierdie Tiguan Allspace gaan wees. Maar klaarblyklik wil kopers rêrig graag meer ruimte in ’n sportnuts hê.

Hoewel die gewone vyfsitplekker en die langer sewesitplekker grootliks identies is, het VW tog met ’n paar netjiese aksent-veranderings die twee modelle goed van mekaar onderskei.

Die Allspace het byvoorbeeld ’n platter rooster, ’n hoër enjinkap en ekstra plate onder die neus wat als help om hom ’n gedifferensieerde voorkoms te gee.

In syfers is die sewesitplek-Tiguan 21 cm langer van neus tot stert as sy vyfsitplek-stalmaat. Dit is grootliks agter die agteras aangebring, waar ’n derde ry sitplekke ingepas is. Die sitplekke is egter klein en plat, sodat dit netjies op die vloer kan wegvou vir ’n normale, oop laairuim.

Nog ’n differensiasie is te sien in die modelreeks. Die gewone 1.4-liter- en 2-liter-petrolturbo is te kry, saam met die 2-liter-turbodiesel. Maar die tweeliterpetrol kan jy nou ook as ’n intreevlakmodel (Comfortline) kry, met die turbo makker gemaak om pleks van 162 kW slegs 132 kW te lewer.

Netjies afgewerk binne

Binnelangs kry jy die gewone Tiguan se mooi afwerkings en moderne instrumentpaneel, waar ’n groot raakskerm in die topmodelle (kompleet met handbeweging-funksionaliteit) en digitale spoed- en toerenaald die botoon voer.

In ons Highline-afwerkingspakket was die Allspace boonop toegerus met ’n elektroniese handrem, outomatiese hoofligte, ’n elektriese luikdeur, ’n vashoufunksie as jy teen ’n bult wegtrek, ’n selfrem-funksie as jy teen ’n afdraande wil afkruip, en ’n selfstop-funksie aktief in stadsverkeer.

Dinge raak egter nog deftiger, sou jy die hand ’n tweede keer in die beursie wou steek. Die High-line R-line-pakket bied jou meer luukses standaard ingesluit, en ’n opsionele veldrypakket bied jou aangepaste buffers wat jou nader- en vertrekhoek verbeter, en be-skerming onder die pens.

Die permanente 4x4-vastrapstelsel het ook ’n veldrykeuse by jou ritmodusse wat die ratkas en versnellerpedaal aanpas sodat jy gemakliker oor rowwe terrein kan klouter, sou jy wil.

’n Praktiese kêrel, dié

Soos jy sou kon aflei, is ’n deel van die Tiguan se gewildheid in sy mooi, moderne afwerking geleë. Dis werklik ’n gevoel van bederwing wat jy ervaar as jy inklim.

Jy sit lekker hoog en pakplek vir los items tussen die voorste sitplekke en onder die radio is talryk en boonop prakties.

Die aansitknop is ook goed geplaas, nie so direk agter die stuur dat ’n mens dit nie kan sien nie, maar meer na links op die paneel.

Op ’n keer toe ek strek om iets met die linkerhand op die sitplek langsaan op te tel, verander die radio skielik vanself. Dit blyk toe die veebeweging-funksie van die raakskerm te wees wat geaktiveer is. Dus, die stelsel is sensitief. Dié moderne foefie mag nuttig en dalk onmisbaar vir jong millenniërs wees, maar om so per ongeluk iets te verander in die ry, is ook lastig.

In die middelste ry kan drie tieners hulself gemaklik maak. Die heel agterste twee sitplekke is straks meer vir laerskoolkinders bedoel. Ek sou die nut sien bloot as ’n op-en-aflaai-funksie vir skoolbyeenkomste, of ’n vinnige kuier iewers. Nie die lang tog in Desember na die strandhuis nie.

Boonop, jou pakplek word werklik minder as jy die agterste rugleunings regop het: grootliks ’n los sak of drie wat jy kan inpas.

As die oop pad roep

Die groot Tiguan ry gemaklik in die dorp, maar die ekstra gewig het ’n invloed op sy verbruik. Ek het in die koers van 8 tot 9 liter geboer, waar sy mededingers met min moeite ’n beter syfer sou kon kry.

Die frisste tweeliter is ’n lekker keuse, vanweë sy maklike verbysteek-vermoë. Die 132 kW-weergawe gaan flou in die bene wees as jy volgelaai en met ’n Venter gehaak kus toe wil ry. Anders kies jy die turbodiesel, wat werklik ’n wenkombinasie sal vorm tussen lae verbruik en flukse verrigting.

Prys: VW Tiguan Allspace 2.0 TSI Highline – R604 800.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
 

Keep your family and pets safe from rabies

The recent outbreak of rabies in South Africa has brought to light how terrible this disease is and how as pet parents we need to be vigilant to keep our families safe.

 

Paws

5 scientific benefits of owning a cat
Why we love cats
8 great natural remedies for your pet
How to clean your dog’s eyes
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.