‘Vrou’ gesteel ná 23 500 km

2018-06-07 06:02
Yassine Ghallam (32), ’n Marokkaanse-burger, by ’n olifantpadbordjie wat hy op sy fietstoer deur Afrika teëgekom het.                                        Foto:VERSKAF

Yassine Ghallam (32), ’n Marokkaanse-burger, by ’n olifantpadbordjie wat hy op sy fietstoer deur Afrika teëgekom het. Foto:VERSKAF

Multimedia   ·   User Galleries   ·   News in Pictures Send us your pictures  ·  Send us your stories

DIE eerste keer toe ’n Marokkaanse avonturier sy fiets op sy Afrika-toer met ’n slot sluit, word dit gesteel.

Dit was in die gewilde Oos-Kaapse vakansiedorp Jeffreysbaai.

Yassine Ghallam (32) het al sowat 23 500 km op die saal van ’n fiets bestee terwyl hy Afrika verken.

Hy het die ekspedisie, wat in Januarie 2017 begin het, aangepak sodat hy eendag boeke oor die wêreld se verskillende kulture kan skryf, sê hy.

Maar Vrydag is sy reis deur ’n fietsdief onderbreek.

Hy het sy fiets voor Jeffreysbaai se Islamitiese Sentrum vasgemaak om die sentrum te gaan verken.

“Ek was binne tien minute weer buite en my fiets is in daardie tyd gesteel. Ek kon dit nie glo nie.

“Gelukkig was my bagasie nie daarop nie,” sê Ghallam.

Kapt. Gerda Swart, polisiewoordvoerder, sê ’n saak is Sondag aanhangig gemaak, maar die fiets is nog nie teruggevind nie.

Ghallam sê hy is gewaarsku oor misdaad in die gebied en daarom het hy sy fiets vasgemaak.

“Ek het al deur baie plekke in Afrika gery, insluitend Ghana, Nigerië, Gaboen, die Kongo, Angola en Namibië. Van al die plekke waar ek was, het ek nie gedink dit sal hier (in Jeffreysbaai) gebeur nie.”

Ghallam sê hy het die fiets in ’n toerfiets met rakke omskep om sy tent, kombuisgoed, slaapsak en klere van 68 kg te kan dra.

“Die fiets noem ek Mama Africa en dit is soos my vrou. Sy is heelpad saam met my.”

Ghallam sê hoewel Mama Africa al sy “tweede vrou” is nadat hy in ’n ligte botsing in Nigerië betrokke was, was dié sy gunsteling.

“My eerste fiets is in Nigerië afgeskryf. ’n Motor het oor die fiets gery en ek moes ’n nuwe een kry.

“Ek het gehoop die tweede fiets, my tweede vrou, sal my deursien op die Afrika-toer. Ek hoop nou die derde vrou is die een wat ek kan hou,” skerts Ghallam.

Hy sê ’n radiostasie in Johannesburg het intussen aangebied om hom te help om ’n nuwe fiets te koop.

“Fietse is baie duur, maar ek moet ’n fiets kry om my toer te voltooi. Ek gaan nie hierdeur gestop word nie, want daar is nog so baie wat ek wil sien.

“ ’n Mens kan nie in dieselfde land gebore word en doodgaan nie. Die wêreld is te groot daarvoor.”

Sodra Ghallam sy nuwe fiets kry, is hy van plan om koers te kies na George, Knysna en Kaapstad.

“Kaapstad is die een plek in Afrika waarvan ek droom. Dit is my eindpunt hier. Daarna vlieg ek na Madagaskar, dan die Seychelle-eilande en laastens Tanzanië.”

Ghallam wil daarna Suid-Amerika op sy fiets verken.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.