Kushone ababili kweyeloli

2019-01-23 06:00
ISITHOMBE: sithunyelweKusale kunje ngemuva kokuba kungene iloli.

ISITHOMBE: sithunyelweKusale kunje ngemuva kokuba kungene iloli.

Multimedia   ·   User Galleries   ·   News in Pictures Send us your pictures  ·  Send us your stories

USASHAQEKILE umphakathi waKwaMpumuza endaweni yasema-60s ngemuva kokuphaphalaza kweloli ebelithwele izitini lingene emzini womuntu kwashona abantu ababili ngoLwesihlanu olwedlule mhla zili-11 kuMasingana (January).

Labo abashonile uNkk Khokhiwe Ntuli (50) waKwaMpumuza ePhayiphini okwakunguyena owayeyothenga izitini kanye nomsizi womshayeli weloli uMnuz Thimbinkosi Miya waseZibovini.

Ngokuthola kwe-Echo iloli belilayishe izitina ezingama-500 kanti kusolwa ukuthi liphelelwe amabhuleki endaweni eyehlayo nokuholele ekutheni iphaphalaze iphume emgwaqeni iyongena emzini womuntu ongezansi komgwaqo yabhidliza irawondi.

Laba abashonile bashonele khona lapho kanti umshayeli yena nomunye umsizi wakhe owayehleli ngemuva elolini baphuthunyiswe esibhedlela ngemuva kokulimala kanzima.

UMnu Xaba nongumnikazi womuzi uthe namanje basashaqekile ilesi sigameko kanti nemiqondo yabo isahlukumezekile ngemuva kwento abayibona.

“Mina ngangihleli phambi komnyango nomunye umuntu owayefikile ukuzongibona kanti ingane yentombazane yalayikhaya yona yayihleli kuwona urawondi idla. Iloli labonwa ilomuntu engangihleli naye liqhamuka phezulu wathi indlela elihamba ngayo ngeke lisakwazi ukujika. Nami ngathi uma ngithi ngiyabona ngabona nje ukuthi ayi seliyazihambela liqonde ngqo kuthina ngabe sengiyaqala ngiyamemeza ingane lena engaphakathi yangazi ukuthi yenzenjani iye emsano okanye iphume.

“Ngabe sengi phuthuma ngiyivulela umnyango yaphuma ngokushesha kwaba iyona ndlela eyasinda ngayo ke leyo. Iloli lashaya ihhafu wonke warawondi labe selibakhipha laba abashonile labafaka ngaphansi kwathayela. Amalunga omphakathi azama ukubasiza kodwa basebebeshonile vele.Sisashaqekile nje ngalesi sigameko namanje,”kubeka yena.

Uqhube wathi sekujwayelekile ukuthi izimoto ziphaphalaze zingene emzini yabantu kodwa wathi bekungokokuqala engenelwa imoto yena emzini wakhe.

Umndeni kaNkk Ntuli uthe ubehambe eyolanda izitini edolobheni laseMgungundlovu.

“Uma wayecelwe u-anti ukuthi ayomlandela izitini ngoba yena wayengaphilanga kahle.Ngesikhathi ehamba izingane zambuza ukuthi uzobuya nini wathi uzobuya manje nangempela awaphelanga amahora amabili kodwa kwaba ukuthi usebuye sekwenzeka lesi sehlakalo. Mina ngamenyezwa ingane ithi uma usebe engozini yeloli kodwa ubesaphefumula. Angizange ngiyizwe ngisho ukuyizwa mina iloli ngesikhathi ingena emzini womuntu kuze kube ngitshelwa ingane.

“Ngaphuthuma khona nokwathi uma ngifika sekukhona abezimo eziphuthumayo kanye namaphoyisa ngabe sengicela ukubona uma kodwa bangangivumela. Ngabuka ngesikhathi kukhishwa laba abanye ababelimele beyiswa kuma-ambulensi kodwa uma ngangamubona nokuyila pho engavele ngazitshela khona ukuthi kushuthi akasekho kodwa ngasengi funa ukuzidelisa nje,” kubeka uNks Busi Goge noyindodakazi endala kaNkk Ntuli.

Uqhube wathi bagcine sebemutshelile ukuthi ungasesihlahleni samapetshisi nokuyilapho amufica khona esethulile.

“Ubebeke isandla ebusweni okukhombisayo ukuthi kukhona into ayekade eyivika nengisola ukuthi othayela kanti nethambo lakhe lomgogodla laliphukile. Silimele kakhulu ngokushiywa uma kubuhlungu. Uma ubesanezifiso eziningi zezinto abaefuna ukuzenza,” kubeka yena.

Amanye amalunga omndeni aveze ukuthi uNkk Ntuli ubengaligibeli iloli ngoba ubelisaba ubeze ancamele ukuthi alandele ngenye imoto ngemuva kodwa abazi ukuthi yini emenze ukuthi aze aligibele ngalolu suku.

Bamuchaze njengomuntu obenothanda kodwa futhi engayithandi into engalungile, elithanda neqiniso.

NEXT ON NEWS24X

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.