Kuzophela amaphupho ngempelasonto

2017-10-25 06:02

AMAQEMBU amakhulu nalandelwa yizigidi ngezigidi zabalandeli eMzansi wonkana, i-Orlando Pirates ne-Kaizer Chiefs bazohlangana kuthule umoya ngempelasonto.

Lezinkunzi zaseSoweto zizotholana kuze kusiphuke izidindi ngaloMgqibelo eGoli eFNB Stadium ligamenxe ihora lesithathu (3.30pm).

Izingwazi ezindala nesazaphanyeka amakhokho ethala nezazidlalela lezinkunzi ezingabhekani uma zihlangene zithi lomdlalo uzobe unzima futhi kuzoba lukhuni ukunqoba nhlangothi zimbili.

Lezinkunzi zithi phela ifomu nokuthi iqembu ligcine liwine kanjani emdlalweni abagcine ukuwudlala akuchazi lutho ngoba kuningi okungashintsha noma yini ngosuku lomdlalo.

“Ukuthi iqembu ligcine lidlale nobano noma kugcine kuwine ubani noma ubani osefomini akuchazi luthu uma sekuhlangene lamaqembu womabili.

Phela umlando, namasiko kanye nodumo lwalamaqembu kuchaza okuningi.

Nabadlali nje ngosuku lwomdlalo abadingi ukukhuthazwa nokutshelwa ukuthi lomdlalo uchaza ukuthini,” kusho umdlali wasemuva owayethandwa abalandeli beBhakaBhaka uEdward “Magents”Motale.

Kanti owake waba ukaputeni weBucs nowayengazwile emuva uGavin “Stability” Lane uthi abadlali basuke bazi ukuthi ukudlala lomdlalo womkhaya waseSoweto (local Soweto derby) kuwumlando ngokwakho nje futhi akekho ongathandi ukudlala kulomdlalo.

“Wusuku olukhulu nolubalulekile kunoma yimuphi umdlali ukudlala kwi-Soweto derby nje kukodwa. Ukuwina-ke kusuke sekukufaka uphaphe lwamaqhawe,” kusho uLane.

Kanti owadlalela lamaqembu womabili nowayethandwa uwonkewonke eMzansi uJabu Pule-Mahlangu uthi kuzobe kukhetha ukhethi futhi iyohlangana ihlukane kube manzi phansi.

“Heyi angazi ukuthi kuzokwenzekani noma ubani ozowina. Mina ngingathi nje kuzobe kushikisha ufudu noma kukikiza ufishi. Lomdlalo uyobe unzima kakhulu futhi kunzima kwasatshe ukuqagula ukuthi wubani ozodla umhlanganiso ngempelasonto,” kusho lesihlabani.

Kanti umhlaziyi webhola nowake wadlalela iMaritzburg City, Kaizer Chiefs kanye neBhakaBhaka futhi waba ngukaputeni kuwo womabili lamaqembu uJimmy Tau uthi abalandeli bazobhema bakholwe ngoba umdlalo onje uhlala usezingeni eliphezulu nelimisa uMzansi wonke nse.

IBhakaBhaka ibhekeke ukuthi ibeke amathemba ayo kubadlali abafana no Thamsanqa “Gandaganda” Gabuza, unozinti uWayne Sandilands, Abbubaker Mobara, Thabo Qalinde kanye no Thabo Rakhale.

Kanti iKhosi lizothembela kunozinti wabo nongumholi woqobo u-Itumeleng Khune, George Maluleke, Willard Katsande kanye noBenard Parker, nobhekeke ukuthi alethe isipiliyoni sakhe.

Lomdlalo weligi wangempelasonto uhlelwe kanje:

October 21, Kaizer Chiefs vs Orlando Pirates ngo-3:30pm e-FNB Stadium.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.