Luyaqhubeka uhlelo lwezindlu

2017-10-18 06:02

EMASONTWENI adlule leliphephandaba lishicilele imibiko eyahlukahlukene mayelana namalungu omphakathi wakwaZayeka eSweetwaters anezikhalo ngohlelo lokwakhiwa kwezindlu kulendawo.

UNkk Makhosazane Ngcobo uthe umndeni wakhe usulinde iminyaka emibili ukuthi kuqedwe ngokwakhiwa kwendlu yomxhaso yalomndeni.

Omunye umndeni obikele leliphephandaba ukuthi usulinde isikhathi esifanayo owakwa- Bhengu.

UNksz Thulisile Goge uthe sekuphele iminyaka ecishe ibemibili afaka isicelo sokwakhelwa indlu kodwa namanje ayikakhiwa.

Umndeni wakwaMngadi nawo ukhala ngokuthi sekuphele iminyaka wafaka isicelo sokwakhelwa indlu kodwa namanje isicelo sabo asikaze sifezwe.

Imenenja yohlelo lokwakhiwa kwezindlu kulendawo, uMnu. Bhoyo Kunene utshele leliphephandaba ukuthi loluhlelo lusaqhubeka kanti kulindeleke ukuthi ukwakhiwa kwezindlu kuzophethwa ngonyaka ka-2020.

Uthe uhlelo lokwakhiwa kwezindlu alugcini kwaZayeka kuphela kodwa lufaka nendawo yaseVulindlela. “Sinxusa amalungu omphakathi ukuthi asibekezelele, sizama ngokusemandleni ethu, kumanje sibheka izinto ezahlukahlukene ezindaweni zonke,” kusho yena.

Uqhube wathi umakukhona imibuzo amalungu omphakathi anawo mayelana naloluhlelo engaxhumana nalabo ababekwe njengabaxhumanisi, phecelezi ama-Community Liaison Officers (CLO). “Kuzo kwakhiwa izindlu ezingu-25 000 kanti sifisa ukuthembisa bonke abafaka izicelo ezamukelwa ukuthi bazokwakhelwa izindlu sicela besibekezelele.”

NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.