Luyashuba olwezingulube eMbali 3

2018-04-11 06:00
ISITHOMBE: lethiwe makhanyaEzinye zezingulube ezifuywe uMnuz Duma.

ISITHOMBE: lethiwe makhanyaEzinye zezingulube ezifuywe uMnuz Duma.

Multimedia   ·   User Galleries   ·   News in Pictures Send us your pictures  ·  Send us your stories

LUYA ngokushuba udaba lowesilisa waseMbali ofuye izingulube njengoba omakhelwane bakhe baseMbali Unit 3 bethi kumele kube khona okwenziwayo ukuze kususwe lezi zingulube endaweni.

Lezi zakhamizi zithi sekuphele isikhathi esingaphezu konyaka uMnuz Mbuso Duma efuye izingulube endaweni eyilokishi nokungafanele ukuba azifuye kuyona.

Bakhala ngokuthi abasakwazi ukuhlala bakhululeke emizini yabo uma like lanetha noma uma like lashisa ngenxa yephunga elivela kulesi sibaya sezingulube esisebaleni likaMnuz Duma.

Esinye isakhamuzi esakhelene noMnuz Duma kodwa esingathandanga ukuba kudalulwe igama laso sithe emzini waso sebenenkinga kangangoba abasakwazi nokuhlala kahle bavule iminyango namawindi uma kushisa.

“Kunephunga elingabekezeleki. Uke ubone abantu sebevale amakhala uma bedlula ngaka Mnuz Duma. Izimpukane lezi ezinkulu eziluhlaza sezingena ngisho nalana emizini yethu nokuyinto ebingekho ngesikhathi kungakafiki lezi zingulube. Kuyasixaka ukuthi ukwenza kanjani lokhu ngoba le ndawo akusiyo eyokufuya.

“Asilwisani nokufuya kwakhe izingulube kodwa esikushoyo ukuthi akazifunele indawo lapho zizohlala khona ngoba lena akusiyo indawo efanele ukuba azigcine kuyona. Kumele asicabangele nathi njengomakhelwane ahlelisene nabo,” kube yena.

Omunye umakhelwane naye ongathandanga kudalulwe igama lakhe uthe sebefuna ikhansela nomasipala bangenelele kulolu daba.

“Sihleli kabuhlungu ngenxa yalezi zingulube. Okuyinkinga kunakho konke ukuthi ziyanuka kanti iphunga lazo ulizwa ukude. Kangakanani ke abantu abaseduze ? Sesiside isikhathi sithulile ngalolu daba singajabula kakhulu uma singathola ukusizakala,” kubeka yena.

I-Echo ihambele kule ndawo nalapho ifike yahlangana nomnikazi wazo izingulube uMnuz Duma nokuqinisekisile ukuthi ufuye izingulube.

UMnuz Duma uphikile ukuthi indawo akhe kuyona akuyona indawo elungele ukufuya.

“Angikho elokishini mina futhi ayikho into ekhombisayo ukuthi ilokishi leli. Izingulube zona ngizifuyile impela futhi ngisazoqhubeka ngizifuye ngoba nami ngiyazizamela. Inyama iyabiza ezitolo nami lena indlela engizama ukonga ngayo ukuthi ngingathengi inyama. Izingulube zami azihluphi muntu azingeni emzini wamuntu zizihlalela ngaphakathi angazi ukuthi yini ekhalisa abantu. Uma bekhala ngokuthi ziyanuka vele ayikho into enganuki ngoba ngisho udoti lona olahlwa ngokungemthetho nawo uyanuka. Abantu badlala umona nje ngoba bebona ngenza into eyehlukile,” kubeka yena.

Uqhube wathi yena uyamangala ukuthi kukhona abantu abanenkinga nokufuya kwakhe izingulube kwazise akekho osake weza kuyena wazomtshela ngalokhu.

“Akukho muntu owake wafika kumina njengomakhelwane wazongitshela ukuthi izingulube zami ziyabahlukumeza. Uma benenkinga abeze kumina bangiqonde bangangihambeli ngasese bayongihleba.”

UMnuz Duma uthe waqala ngokufuya izingulube eziyi-6 kodwa manje sezingaphezu kweziyi-10. Uthe kuyimanje usezinhlelweni zokuthi alungise indawo lapho kuhla khona izingulube zakhe ibe sezingeni elifanele ingabi nodaka. “Sengiqalile ngiyazakhela indawo yazo yokuhlala ukuze zizohlala endaweni efanelekile. Sengizivakashelile nezindawo lapho kufuywa khona izingulube ukuyobona ukuthi kwenziwa njani ngoba ngifuna ukusebenzisa lolo lwazi.”

Okhulumela uMasipala uMsunduzi uNks Thobeka Mafumbatha uthe ezolimo azihambisani nokufuywa kwemfuyoendaweni ehlala abantu emalokishini ngokokuhlelwa kwedolobha.

“Ukufuywa kwezilwane kulawulwa imithetho yakhona ngakho ke akekho umuntu ovumeleke ukufuya izingulube ngaphandle uma ngabe enikezwe imvume kwezemvelo ngaphansi kukaMasipala uMsunduzi. Abezokuhlanzeka kwemvelo bazoluphenya lolu daba. Makungukuthi kuyatholakala ukuthi kube khona ukuphulwa kwemithetho umnikazi wendawo uzonikezwa isexwayiso.”

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.