OwaseMbali uzokhipha i-EP entsha

2018-10-31 06:01
ISITHOMBE : sithunyelwe Thato Chonco.

ISITHOMBE : sithunyelwe Thato Chonco.

Multimedia   ·   User Galleries   ·   News in Pictures Send us your pictures  ·  Send us your stories

UMREPHA waseMbali Unit 1 nophinde abe ngumdidiyeli wezingoma zohlobo lweGqom kanye ne-House uzokhipha i-EP yakhe entsha nazoyethula ngokusemthethweni ngomhla zizi-3 kuLwezi (November) e-White House eMbali Unit 2.

UThato Chonco (20) nowaziwa ngo-”The Vibe Switcher” nowaqala ukucula ngesikhathi enza uGrade 4 utshele i-Echo ukuthi i-EP igama lithi The next Page EP kanti inezingoma eziyisikhombisa.

Uthe lena yi-EP yakhe yesithathu ayikhiphayo kanti uyathemba ukuthi abantu bazoyijabulela kakhulu.

“Izingoma eziningi kule-EP yami yamanje zikhuluma ngempilo yami kanye nezimo ezingidlule kuzona kodwa ngabambelela ngoba ngiyawuthanda umculo.

“Izingoma eziningi ezikhona lana zixoxa indaba kanti futhi ziyafundisa. Ngisebenze kakhulu nabaculi bakhona lapha eMgungundlovu abasafufusa kanti lokho kuyangijabulisa kakhulu,” kubeka yena.

UChonco uthe uzimisele kakhulu endimeni yezomculo.

“Njengoba sengiqedile esikoleni into engiyibheke kakhulu manje umculo wami ngoba ngifuna ukuwuthuthukisa ukhule uze waziwe nasemazweni angaphandle. Isifiso sami ukuthi ngelinye ilanga ngisebenzisane nomculi ongaphansi kwesitebele i-Ambitiouz Records u-Saudi. Uyena umuntu engibukela kuyena kanti uyangikhuthaza kakhulu ukuba ngisebenze kanzima.”

Ngaphandle kokuba ngumculi kanye nomdidiyeli, uChonco uphinde abe ne-studio sokuqopha umculo esibizwa ngokuthi yi-Ice Crusher Entertainment.

Uphinde waveza ukuthi i-EP yakhe izobe itholakala ngosuku lomcimbi wokuyethula ngemali ewu-R20.

Ukungena kulo mcimbi kubiza u-R40 kanti i-VIP u-R80.

NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.