Sibonga ukwesekwa silahlekelwe ilunga lomndeni

2016-07-27 06:00

Mhleli

Emasontweni adlule besihanjelwe umshana uZiyanda Mchunu ekhaya nokuyinto ebe buhlungu kakhulu emndenini njengoba kade eqede umatikuletsheni ngonyaka owedlule esikoleni iGeorgetown futhi wawuphumelela.

Ngikhumbula ukuthi sebebhala uke waphuma kuyona i Echo ethembisa ukuthi uzimisele ngendlela exakile waze waqinisekisa nokuthi ngeke aphoxe uma sekuphuma imiphumela. Njengomndeni sasilindele lukhulu kuyena kanti owayesiboleke yena wayesemdinga ngoba wayesekuqedile ayemthumelele kona lapha emhlabeni. Ngifisa ukuthatha lelithuba ngibonge wonke umphakathi waseMphithi, izihlobo nabangani bakhe ababephume ngobuningi bezophelezela impintshi yabo.

Kodwa ke njengenhlalayenza uma kunomkhuhlane kunoma umuphi umndeni abantu abasondela kuqala bazoniduduza kuba omakhelwane.

Izenzo zabantu bonke omakhelwane­ base Sigingqini naseNhlazatshe ikakhulukazi besifazane azichazeki ngoba zaba yinto eyasithusa kakhulu.

Abantu bahlale nomndeni kusukela kwenzeke umkhuhlane kuze kube usuku lokugcina. Ngikhumbula abanye besimame abafika ngosuku olwandulela umngcwabo bethi bazocela abangasiza ngakho kwase kuthiwa ekhaya asazi ningasiza ngani ngoba ayikho into abangasayenzile abanye bomakhelwane.

Asiswele amazwi okunibonga kodwa iwona qobo angekho.

Ngalamazwi anginifakeli ingcindezi neze yokuthi ngelinye ilanga nizithuke senenza noma kungasanivumeli. Angifuni ukukhohlwa izinsizwa ngisho ezaseNhlazatshe ezazibanga ukuyosilekelela emathuneni ukulungisa umgodi, kanjalo nabafundisi base Divine ngaphansi kwaApostle Moshoeshoe­.

UNkulunkulu anibusise nonke.

Dudu kusisi wami uNcamo.

Mfanafuthi ‘Jika Pantsula’ Nzuza

ESIGINGQINI

NEXT ON NEWS24X

Inside News24

 

Matric Results are coming soon!

Notify me when results become available

/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.