Ufuna ubulungiswa owase-Edendale

2018-07-04 06:01
ISITHOMBE: facebookUMnu Syabonga Maduna owagwazwa wabulawa edolobheni eMgungundlovu.

ISITHOMBE: facebookUMnu Syabonga Maduna owagwazwa wabulawa edolobheni eMgungundlovu.

Multimedia   ·   User Galleries   ·   News in Pictures Send us your pictures  ·  Send us your stories

UMNDENI wowesilisa wase-Edendale owagwazwa wabulawa edolobheni laseMgungundlovu uthi awukakazukuthola ukuphumula kuze kube babona umenzi wobubi ebhadla ejele.

UMnu Syabonga Maduna (26) wagwazwa wabulawa ngasesitolo u-Shoprite emgwaqeni u-Church Street edolobheni laseMgungundlovu ngenyanga kaMasingana (January) kulonyaka. Ngokusho kwelunga lo mndeni wakhe uNks Nomusa Mbanjwa nothe uSyabonga wayenza unyaka wakhe wokugcina ezifundweni ze-Financial management esikhungweni semfundo ephakeme i-Durban University of Techonolovgy.

Elandisa i-Echo uthe ngesikhathi kwenzeka lesi sigameko uSyabonga wayehleli nabangane bakhe ngaphambi kwase-Shoprite nalapho ayekade edayisa khona ukuthola imadlana yokuthenga izinto zakhe eziseceleni njengoba kade efundiswa isikhwama esibhekelele abafundi i-National Student Financial Aid System (Nsfas).

Uthe : “Umfowethu wabulawa kabuhlungu kodwa futhi siwumndeni asibutholi ubulungiswa. Uyaziwa umuntu owambulala kanti futhi kukhona ngisho nabofakazi ababekhona bebuka ngesikhathi kwenzeka lesi sigameko kodwa umenzi wobubi usaqhubeka nempilo yakhe yena engathi akwenzekanga lutho thina sibe silahlekelwe. Amaphoyisa amubopha umsolwa kodwa akaqedanga ngisho isonto ehleli ejele wadedelwa ngebheyili yemali engu-R1500 ekubeni lo muntu ekhiphe isidumbu.

“Okusiphatha kabi kakhulu ukuthi njengomndeni besesithembele ekutheni umthetho uzosilwela ubophe uphinde ugwebe umenzi wobubi ukuze nathi sizokwazi ukuthi mhlawumbe sithobeke amanxeba kodwa lokho akwenzekanga.

Umthetho uvele wamudedela wathi akahambe ayohlala ngaphandle engathi ayikho into embi ayenzile. Lo muntu wahamba wayothenga umbese ngesikhathi exabana noSyabonga nokukhomba ngokusobala ukuthi vele wayehlosile ukumbulala. Yini kanti lena engaka ekumele ize yenzeke ukuze umthetho ulwele abantu abahlukumezekile?,” kusho yena.

Uqhube wathi bengumndeni kunzima kakhulu njengoba uSyabonga kade sekunguyena umuntu obebhekiwe ukuthi uzoshintsha isimo sasekhaya kwazise bekuzoba nguyena owokuqala ukuthi aphothule izifundo zakhe enyuvesi.

“Ubeseyithemba lasekhaya wonke umuntu ubebheke yena ukuthi aphothule izifundo zakhe ashintshe isimo sasekhaya kodwa loko akwenzekanga. Ubengumfana ozilungele ozaziyo ukuthi ufunani empilweni.

“Asisazi ukuthi kumele senze njani ngoba nomphenyi wecala naye akasaphumeli obala ukuthi yini ebambe ukuba kuqhutshekwe nokuqulwa kwecala. Njalo uma siya enkantolo kuvele kuthiwe icala lihlehlile singazi kodwa ukuthi lihlehleleni ngoba umphenyi wecala wasitshela ukuthi bonke ubufakazi sebuqoqiwe nophenyo seluphothuliwe. Into esiyifunayo nje thina ubulungiswa bengane yasekhaya.”

Uthe lesi sigameko sabashiya nesikhulu isilonda kangangokuba abasafuni ngisho kwakusondela eduze kwalapho senzeka khona ngoba kuvele kuvuke emanxeba.

NEXT ON NEWS24X

Inside News24

 
/News
Traffic Alerts
Traffic

Jobs in Cape Town [change area]

Jobs in Western Cape region

Architect

Cape Town
Mass Staffing Projects
R400 000.00 - R600 000.00 Per Year

Software Engineer

Cape Town
Tumaini Consulting
R720 000.00 - R960 000.00 Per Year

Visual Merchandiser

Cape Town
Forever New South Africa
R6 000.00 - R7 000.00 Per Month

Property [change area]

There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.