Uhleli ekhaya umfundi ogwazwe esikoleni i-Smero Secondary

2018-03-21 06:01

INGXABANO esuke phakathi kwabafana abahlala endaweni yaseCaluza naseSigodini abafunda esikoleni samabanga aphakame i-Smero Secondary, igcine ngokuthi kugwaze omunye wabafundi emagcekeni esikoleni.

Lesi sigameko senzeke ngoLwesine olwedlule mhla ziyi-8 kuNdasa (March) nalapho kugwazwe khona uSbusiso Mzwili ofunda u-Grade 11 kusona lesi sikole.

USbusiso waphuthunyiswa esibhedlela i-Edendale nalapho afike alashwa khona wabe esededelwa.

USbusiso ulandise intatheli ye-Echo wathi indaba yaqala ngoLwesithathu ngesikhathi kusuka ingxabano phakathi komngani wakhe nabanye abafana afunda nabo esikoleni abahlala eSigodini.

“Ngisola ukuthi lengxabano yayihleliwe njengoba ngoLwesine laba baseSigodini baphathe imimese ukuze bezohlasela kahle umngani wami.

“Ngesikhathi kuqala uthuthuva ngangihleli kwelinye lamagumbi okufundela ngezwa umsindo ngaphandle ngaphuma ngaya khona ngiyobona ukuthi kwenzakalani. Ngafica iqeqebana labafana baseSigodini beshaya umngani wami ophinde abe umakhelwane wami ngabe sengizama ukulamula. Kwaba sengathi impi iyaphela ngoba baze bangisusa kuyona.

“Ngokuphazima kweso ngabona abanye abafundi abathathu sebephethe imimese beza kumina nokuyilapho ngabona khona ukuthi bafuna ukungigwaza. “Ngazama ukubaleka kodwa ngawiswa umpompi engangingawuboni nokuyilapho bakwazi khona ukungigwaza emhlane,” kuchaza yena.

Ebuzwa ukuthi ngabe unalo yini ulwazi lokuthi kwakubangwani uthe akanaso isiqiniseko kodwa yena wayezama ukusiza umngani wakhe.

I-Echo ithole ngemithombo yayo efunda kusona lesi sikole ukuthi impi yasuswa umakhalekhukhwini nokwakusolwa ukuthi untshontshwe umngani wakhe uSbusiso.

Selokhu kwenzeka lesi sigameko uSbusiso uhleli ekhaya akafundi kanti usephuthwe ukubhala izivivinyo zakhe zesigamu sokuqala sokufunda.

“NgoMsombuluko bekubhalwa IsiZulu kanti ngoLwesibili bekubhalwa iSingisi kodwa angikwazanga ukuyobhala ngoba ngimisiwe esikoleni. Inxeba lona selingcono kodwa into engenza ngingayi esikoleni ingoba kumiswe bonke ababandakanyeka kule mpi njengoba bethi kusaqhubeka uphenyo.

“Okungiphatha kabi kakhulu ukuthi laba bantu abenza lento ababoshiwe. Kuyimanje mina ngiphuthelwa izifundo zami ngaphezu kwalokho ngisabela impilo yami ukuthi kuzo kwenzakalani uma kungukuthi laba bafana bayaphinda basusa impi uma sengibuyele esikoleni.”

Uphinde waveza ukuthi bekungasikhona okokuqala ebona imimese iphethwe abafundi ngaphakathi esikoleni. “Imimese iyaphathwa vele esikoleni. Angazi ukuthi abafundi bangena kanjani nayo ngoba kunonogada esangweni.” Okhulumela uMnyango wezeMfundo uMnuz Scelo Khuzwayo uthe bengumnyango abahambisani neze nezenzo zodlame ezikoleni.

“Kunophenyo oluqhubekayo mayelana nalolu daba kodwa into esifuna ukuyicacisa nje ukuthi noma ngabe yiziphi izenzo zodlame ezenzeka ezikoleni asihambisani nazo.”

Kushaye isikhathi sokushicilela engakwazanga ukuphendula okhulumela amaphoyisa.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.