Departement sê gou oor leerkragte se poste

2016-08-03 06:00

DIE begroting vir onderwysers is op die tafel en Oos-Kaapse skole hoor binnekort of hulle nóg mannekrag sal moet prysgee.

Dié provinsie se onderwyserposte het sedert 2012 met meer as 10 000 gedaal.

Die onderwyservakbond Sadou rol nou al sy moue op om te “baklei” indien daar vir aanstaande jaar selfs nóg minder poste aan skole voorsien sal word.

“Daar kan onmoontlik vir nóg minder onderwysers begroot word,” het Sindisile Zamisa, waarnemende sekretaris van Sadou in die Oos-Kaap, gesê. “Skole sukkel reeds om met die bietjie wat oor is, klaar te kom.”

Sadou het vanjaar die Oos-Kaapse onderwysdepartement (OKOD) aangevat oor hy die provinsie se poste met 1 049 van 2015 ingekort het.

Edmund van Vuuren, lid van die portefeuljekomitee oor onderwys in die provinsie, sê kanse is skraal dat die postevoorsiening vir 2017 sal groei. “Die ouditeursverslag het getoon dat leerdertalle in die Oos-Kaap vanjaar gedaal het. Hoe minder kinders in skole, hoe minder onderwysers word in ’n provinsie benodig. Ek dink die OKOD moet eerder fokus op die korrekte verspreiding van die min hande in die Oos-Kaap,” het hy gesê.

Mali Mtima, provinsiale woordvoerder oor onderwys, sê die OKOD het tydens ’n verifikasieveldtog elke hoof aangesê om identifikasiedokumente van sy leerlinge en onderwysers in te dien. “Dié proses is ook nou afgehandel. Ons weet presies wat skole se eintlike getalle is. Teen September sal die voorlopige postevoorsieningslys uitgereik word.”

NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.