Eerste vir kind wat doof gebore is

2017-11-01 06:01
Deané Bezuidenhout (13 maande) en dr. Iain Butler van Bay ENT speel met ’n voorbeeld van die kogleêre inplantings wat sy Maandag ontvang het. Foto: Roslyn Klaasen

Deané Bezuidenhout (13 maande) en dr. Iain Butler van Bay ENT speel met ’n voorbeeld van die kogleêre inplantings wat sy Maandag ontvang het. Foto: Roslyn Klaasen

Multimedia   ·   User Galleries   ·   News in Pictures Send us your pictures  ·  Send us your stories

TOE Leigh-Anne Barnard se dogtertjie, Deané Bezuidenhout, 13 maande gelede doof gebore is, het sy eers nie geweet wat die toekoms inhou nie, maar nadat sy verlede week Maandag kogleêre inplantings in albei ore gekry het, sien sy daarna uit dat haar kind met die pienk wangetjies dalk eendag ’n danser kan wees.

Sy is die eerste kind in Port Elizabeth wat ’n gelyktydige bilaterale kogleêre inplanting ontvang het.

Barnard van Kensington in Port Elizabeth kyk liefdevol na haar kind waar sy op die ondersoektafel in dr. Iain Butler, ’n oor-neus-en-keel-chirurg by Bay ENT, se spreekkamer in die Netcare Greenacres-hospitaal sit terwyl haar pa, Divan, haar vashou.

“My emosies was deur die dak. Ek kon dit nie aanvaar nie.

“Die dag ná haar geboorte is ’n gehoortoets gedoen. Dié toets en twee ander, onderskeidelik twee en een week later, het misluk. Toe sy ses maande oud was, is dit bevestig dat sy doof is.”

Butler sê hy het verstaan waardeur die egpaar gaan omdat hy in Bloemfontein sowat 100 soortgelyke operasies uitgevoer het.

“Dit is ’n emosionele en sielkundige ondervinding. Dit is iets wat jou lewe heeltemal verander. Aan die begin lyk die paadjie baie donker.”

Hy sê toe Deané by hom kom, moes hy eers die oorsaak van die gehoorverlies bepaal.

“Die bevestigingstoets is reeds afgehandel. Ons moes toe medies en radiologies vasstel of sy ’n kandidaat was vir kogleêre inplanting.”

“Ons skanderings het gewys dat die binne-ore normaal is en dat die probleem by die selle lê wat klank oordra na die gehoorsenuwee. Dit was toe belangrik om vir haar ouers die moontlikhede vir die pad vorentoe te gee,” sê Butler.

Volgens hom is daar die opsies van gesproke en gebaretaal.

Die operasie van vyf uur lank – sy eerste sedert hy by Bay ENT aangesluit het – was moeilik, sê Butler, maar het goed gegaan.

“Die verband is nou afgehaal en die wond moet genees.

“Wanneer die operasie uitgevoer word, word die elektrodes in die teater getoets. Ons kon sien dat die senuwee op die elektriese stimulasie van die elektrode reageer.

“Ons neem afmetings van hoeveel stimulasie nodig is en dit word gebruik deur die oudioloog om kalibrasie (mapping) uit te voer wanneer sy ‘aangeskakel’ word oor ’n paar weke.

“Ons gee dan stelselmatig meer en meer stimulasie sodat sy gewoond raak aan klank. Dit word oor die volgende paar weke verhoog tot die punt dat sy baie naby aan normaal kan hoor.”

Butler voeg by dat die ouers se harde werk daarna begin.

Die egpaar het besluit op spraakterapie vir Deané. “Maar voordat sy praat, moet sy eers leer om te luister,” voeg Barnard by.

Divan maak reeds planne dat sy oudste dogter ’n prokureur, dokter of geoktrooieerde rekenmeester word.

“Ek wil hê sy moet dans,” sê Barnard.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
ADVERTORIAL
Competition regulation for a growing and inclusive economy

ADVERTORIAL: The Competition Commission of South Africa is conducting advocacy work in the South African automotive aftermarket industry and has gazetted a Draft Code of Conduct for public comment.

/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.