Framesby se skoolhoof tree af ná vier dekades

2018-09-12 06:01
Jan Stroebel, skoolhoof van die Hoërskool Framesby wat teen einde September aftree.Foto:KAILIN DANIELS

Jan Stroebel, skoolhoof van die Hoërskool Framesby wat teen einde September aftree.Foto:KAILIN DANIELS

Multimedia   ·   User Galleries   ·   News in Pictures Send us your pictures  ·  Send us your stories

NÁ byna 41 jaar in die onderwys en skoolhoof sedert Januarie 1994, het die tyd aangebreek vir die Hoërskool Framesby se skoolhoof om die tuig neer te lê.

Onderwys was van jongs af die loopbaan van sy keuse en die opvoeding van kinders is heelbo op sy lysie van prioriteite.

“Dis vir my belangrik en lê my baie na aan die hart. Dit bly ’n voorreg om deel te kon wees van die opvoeding, onderrig en afrigting van duisende kinders oor baie jare. Dit speel ’n groot rol in ons samelewing.”

Stroebel se onderwysloopbaan het by sy oud-skool, die Hoërskool Grens begin nadat hy as ’n gekwalifiseerde onderwyser by die destydse Universiteit van Port Elizabeth gegradueer het.

“Ek was vir 14 jaar ’n onderwyser by die Hoërskool Grens waar ek ná ses jaar as departementshoof aangestel is. Ek is daarna as adjunkhoof aangestel. Aan die begin van 1994 is ek aangestel as die skoolhoof van Adelaide Gimnasium op die platteland en ek was daar vir 14-en-’n-half jaar. In Julie 2008 is ek as skoolhoof by die Hoërskool Framesby aangestel,” het Stroebel gesê.

Ná 10 jaar as skoolhoof by die Hoërskool Framesby, is dit die familie-eenheid wat Stroebel altyd sal koester.

“Jy word deel van ’n familie by die skool en niemand hoef alleen iets aan te pak nie. Jy word deel van ’n groep waar ons omgee vir mekaar, liefde toon en mekaar waardeer.”

Stroebel sê hy is trots daarop dat Framesby se akademiese prestasie besonder goed is en om sy loopbaan op só ’n hoogtepunt te eindig.

“Ons akademiese uitslae is voortreflik en daar is baie energie en opwinding by ons sport- en kultuuraktiwiteite. Ons het die afgelope 15 jaar ’n gemiddelde matriekslaagsyfer van 99.8%. Die skool is op ’n goeie plek.”

Met 41 jaar agter die rug as ’n rolmodel en inspirasie vir sy mede-onderwysers, het die tyd nou aangebreek vir hom om te ontspan en die lewe met nuwe oë te aanskou.

“Ek het altyd gesê dat ek ten minste 40 jaar in die onderwys wil wees. Ná die onderwys moet daar ’n lewe wees. Een van die hoofredes vir my besluit om af te tree is dat ek tot die punt gekom het waar ek vir myself kan sê dat ek bereik het wat ek wou bereik het.

“Ek sal graag nog betrokke by skole wil wees. Dalk om hulle te help met begrotings, roosters en bestuur. En dan moet ek nog beplan wat ek met al my spaartyd gaan doen.”

Teen einde September vanjaar sal Stroebel sy kantoor ontruim om vir die nuwe skoolhoof plek te maak.

“Dis ’n goeie tyd om oor te gee aan ’n nuwe persoon wat as skoolhoof aangestel gaan word. Die spesiale deel wat Framesby in my loopbaan gespeel het sal altyd onvergeetlik bly,” het Stroebel gesê.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.