Palm Ridge inwoners omskep ashoop in speelpark

2018-10-10 06:04
Die dryfvere agter die bou van die toekomstige speelpark in Palm Ridge in Bethelsdorp is, van links, Gordon Norris, Raadslid Georgina Faldtman en Erwin Muller.       Foto:KAILIN DANIELS

Die dryfvere agter die bou van die toekomstige speelpark in Palm Ridge in Bethelsdorp is, van links, Gordon Norris, Raadslid Georgina Faldtman en Erwin Muller. Foto:KAILIN DANIELS

Multimedia   ·   User Galleries   ·   News in Pictures Send us your pictures  ·  Send us your stories

’n STORTINGSTERREIN wat eers ’n oogseer in die Palm Ridge omgewing was, is in ’n splinternuwe speelpark deur sy inwoners omskep.

Die projek wat begin is met die hulp van vyf huishoudings in dié gebied, het gou die belangstelling van die gemeenskap ontlok en almal het hand bygesit om die terrein skoon te maak en die afval te verwyder.

Erwin Muller, ’n inwoner van Palm Ridge, het die bal aan die rol gesit en na mense uitgereik om met sy inisiatief voort te gaan. Hy meen dat die munisipaliteit sloer om hul kant te bring en inwoners moet self die plek meer leefbaar maak.

“Hierdie plek was eers ’n stortingsterrein en ons kan nie dit toelaat nie. Dit is ongesond vir ons en die kinders, asook die omgewing. Ons kan nie langer wag vir dinge om in ons gemeenskap te gebeur nie,” het Muller gesê.

Muller se buurman, Gordon Norris, is ook baie betrokke by die projek en het selfs iemand aangestel om die gras en onkruid te verwyder.

“Toe my buurman met hierdie projek begin het, het ek dadelik ingespring om te help. Ons reik graag uit na mense in die gemeenskap om ons te help. Daar moet nog so baie gedoen word om die speelpark te voltooi,” het Norris gesê.

Die stortingsterrein is reeds etlike jare ’n kopseer vir die gemeenskap.

Raadslid Georgina Faldtman sê sy hou gereeld openbare vergaderings met die inwoners oor hul probleem-gebiede.

“Die storting van vullis in die gebied is ’n groot probleem. Ek wil hulle graag help om die plek in iets mooi te omskep, maar ons benodig fondse om dit te doen. Hierdie soort projekte vorm nie deel van die begroting nie. Hulle benodig die nodige toerusting, bome, banke en ’n heining. Ons reik graag uit na die gemeenskap om ’n handjie by te sit,” het Faldtman gesê.

Soos wat die speelplek besig was om vorm aan te neem, het baie inwoners hier gestop om die vordering met glimlagte te bewonder.

“Die mense stort glad nie meer hul vullis hier nie. Ons het ook almal gewaarsku en mooi gevra om die plek skoon en netjies te hou,” het Muller gesê.

Volgens die vrywilligers, is dit nie net vir kinders ’n speelplek is nie, maar dit bring die gemeenskap bymekaar. Inwoners van verskillende ouderdomsgroepe en agtergronde werk langs mekaar om die speelgrond ’n realiteit te maak.

“Om verantwoordelikheid te neem vir die gemeenskap waarin ons woon is belangrik. Ná jare se beplanning en besprekings wil ons graag iets goeds doen uit iets wat nie so goed was nie,” het Norris bygevoeg.

Volgens Faldtman sal meer speelgronde gevestig word uit stortingsterreine in dié gebied.

“Ek luister graag na al die mense se klagtes en omdat storting heelbo aan hul lys is, moet ons iets daaromtrent doen,” het sy gesê.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.