Tweeling sny hare by alma mater

2019-03-20 06:01
Bertram Hoërskool leerder, Anwen Billet (voor), het ’n gratis haarsny ontvang van die tweeling, Jaydrian (agter regs) en Jaydon Vosloo.  Foto:KAILIN DANIELS

Bertram Hoërskool leerder, Anwen Billet (voor), het ’n gratis haarsny ontvang van die tweeling, Jaydrian (agter regs) en Jaydon Vosloo. Foto:KAILIN DANIELS

Multimedia   ·   User Galleries   ·   News in Pictures Send us your pictures  ·  Send us your stories

’n TWEELING van Bloemendal ploeg terug in hul gemeenskap deur twee maal per week seuns van die Hoërskool Bertram se hare gratis te sny.

Hoërskool Bertram-alumni, Jaydrian en Jaydon Vosloo, is deur hul oud-skoolonderwyser, Christian du Preez, uitgenooi ná hy self van hul dienste gebruik gemaak het.

“Juis omdat hulle oud-leerders is, het ek hulle gevra om die seuns by ons skool se hare te sny. Hulle het dadelik ingestem. As opvoeders leer ons leerders nie net hoe om te lees en skryf nie, maar ook die belangrikheid van waardes, etiek en beginsels. Aangesien ons voormalige leerders hierdie eienskappe toon, maak dit ons trots as onderwysers,” het du Preez gesê.

Jaydrian en Jaydon het in 2013 gematrikuleer en is tans mede-eienaars van Stylz Barbershop. Hulle het ook hul eie klere-handelsmerk, ‘Major’, bekendgestel.

Die tweeling glo dat as dit nie vir hul skool was nie, sou hulle nie sukses kon behaal nie.

“Ons het begin deur mekaar se hare te sny en het so ons passie gevind. Ons skool lê ons baie na aan die hart en met die bende-geweld in ons gebied, moet daar bietjie lig aan die einde van die tonnel wees. Om iets goeds te doen – al is dit so klein soos om leerders se hare te sny – maak ’n groot verskil in ons gemeenskap,” het Jaydrian gesê.

Die tweeling gee terug aan Bertram deur seuns se hare gratis te sny elke Dinsdag en Woensdag vanaf 09:00 tot 14:00.

Luidens Du Preez, verlig die gratis haarsnye die finansiële druk vir ouers in die gemeenskap.

“Daar is leerders by die skool wat dit wel kan bekostig om hul hare te laat sny, maar wat van die ander wat dit nie kan bekostig nie? Ons probeer om voorsiening te maak vir daardie leerders,” het Du Preez verduidelik.

Bertram is ’n staatskool waar ouers vrygestel is van die betaling van skoolgeld. Die skool is geleë in ’n gebied waar armoede en bendegeweld van die leerders se daaglikse uitdagings is.

Die skoolbeleid is dat leerders se hare kort en netjies moet wees. Leerders is in die verlede verbied om klasse by te woon ná talle klagtes oor haarstyle geïgnoreer is. Dié leerders het die skool se gedragskode oortree deur te weier om hul hare te sny.

“Ons het in die verlede leerders huis toe gestuur juis omdat hul haarstyle onnet was. Met Jaydrian en Jaydon wat nou gratis die seuns se hare sny, is dit nie meer nodig nie. Dit beteken so baie vir ons seuns. Ons het leerders wat tou staan, net om ’n gratis Stylz-snit te kry,” het Du Preez bygevoeg.

Met PE Express se besoek aan die skool, het Anwen Billet (14), ’n gratis haarsny ontvang. Hy meen dat dit sy ouers help om geld te spaar.

“Om deesdae na ’n haarkapper te gaan, kos baie geld. Jaydrian en Jaydon doen ons ’n groot guns en ons is baie dankbaar daarvoor,” het Billet gesê.

NEXT ON NEWS24X

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.

Inside News24

 
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.