Veilige hawe vir swanger tieners sluit hul deure

2018-10-10 06:04
Yvonne Williams, huismoeder van Marian Villa wat se deure binnekort gesluit gaan word.                             Foto: KAILIN DANIELS

Yvonne Williams, huismoeder van Marian Villa wat se deure binnekort gesluit gaan word. Foto: KAILIN DANIELS

Multimedia   ·   User Galleries   ·   News in Pictures Send us your pictures  ·  Send us your stories

HUIS Marian Villa, ’n veilige hawe wat swanger tienermeisies huisves, maak binnekort hul deure toe.

Huis Marian Villa dien sedert Junie 1999 die gemeenskap van Port Elizabeth toe dit deur die Katolieke kerk, The Knights of Da Gama, gestig is.

“Dit was baie bedrywig toe ons deure geopen het. Ons het omtrent vier tot vyf meisies per slag ontvang en gehuisves, maar soos jare verbygegaan het, het die aantal meisies gedaal,” het huismoeder, Yvonne Williams gesê.

“Ek het tans net een swanger meisie vir 2018 ontvang. Dit is waarom besluit is om die huis toe te maak, juis omdat té min meisies hier opdaag,” het Williams verduidelik.

Ongeveer R20 000 word maandeliks betaal om die plek instand te hou.

“Die meisies wat hier opdaag, word teen geen koste gehuisves. Die geld wat maandeliks aan ons gegee word, is vir basiese benodighede en ook om na die meisies om te sien,” het Williams gesê.

Tans lewer die sentrum steeds ’n omvattende diens en hul fokus bly gerig op sorg, berading en om ’n ontwikkelingsprogram te vestig vir meisies wat ’n krisis-swangerskap ervaar.

Dit is gewoonlik meisies wat vanaf ses tot agt maande swanger is, wat aan Yvonne se deur kom klop.

Die deure van Huis Marian Villa is oop vir hawelose swanger meisies en ’n maatskaplike werker word aangestel om te bepaal of daar wel ’n krisis is.

“Ons neem net meisies in wat deur ’n maatskaplike werker verwys word, juis om te kyk of daar werklik ’n probleem by die huis is. Indien dit nie so gedoen word nie, gaan enige persoon aan ons deure klop. Ons is ’n krisis-swangerskapsentrum,” het Williams bygevoeg.

Met PE Express se besoek by Huis Marian Villa het ’n 17-jarige swanger meisie, wie se identiteit beskerm word, oor haar omstandighede en ervaring by Huis Marian Villa gesels.

“Ek het grootgeword by my ouma en oupa; en toe ek swanger word, was hulle baie teleurgesteld. My oupa het my gesê dat ek moet kies – óf hulle óf my baba. Ek het nie geweet wat om te doen en waarheen om te gaan nie,” het sy vertel.

Die maatskaplike werker wat aangestel is om swanger meisies te help, het haar na Huis Marian Villa verwys.

“My ouma het my ook baie gehelp, maar kon nie veel doen nie weens my oupa wat my uitgesit het,” het sy gesê.

Die meisie, wat ses maande swanger is, is in die proses om haar skoolloopbaan te voltooi en Huis Marian Villa help haar om positiewe besluite te maak.

“Ek is nog nie 100% seker wat gaan gebeur sodra die baba kom nie, maar die huismoeder en maatskaplike werker help baie. Ek sal probeer om die regte ding te doen,” het sy gesê.

Williams hoop egter dat Huis Marian Villa se deure wel oopgehou sal kan word.

“Alhoewel ons deure gesluit gaan word, wil ons graag die gemeenskap vra om ’n hand by te sit en dalk te help. Hierdie huis het so deel geword van die gemeenskap en dis hartseer dat die bestaan daarvan oor ’n paar maande vergete sal word,” het Williams gesê.

Hul visie bly egter dieselfde: “Ons help mekaar uit liefde en probeer heel maak.”

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.