Ysige weer hou nie rowers binne nie

2016-07-27 06:00
Ao. Alwin Labans. Foto: ARGIEF

Ao. Alwin Labans. Foto: ARGIEF

Multimedia   ·   User Galleries   ·   News in Pictures Send us your pictures  ·  Send us your stories

TERWYL inwoners regoor Nelson Mandelabaai die afgelope naweek beskerming teen die koue onder snoesige komberse gesoek het, het misdadigers hulle nie deur die ysige weer laat stuit nie.

Volgens ao. Alwin Labans, polisiewoordvoerder, het gewapende rowers die afgelope naweek op twee winkels, ’n nagklub en ’n huis toegeslaan.

In die eerste voorval Vrydagaand het ’n enkele verdagte ’n winkel in uitbreiding 29 van Bethelsdorp beroof.

“Die eienaar, ’n 50-jarige vrou, was besig met klante toe die man omstreeks 19:50 uit ’n motor voor die winkel klim en inkom,” sê Labans.

“Hy het haar met ’n vuurwapen gedreig en is met kontant daar weg.”

Later dieselfde aand is die Cheers-nagklub in Harrower-weg ook beroof.

“Die eienaar het omstreeks 22:50 buite die klub gestaan en met vriende gesels toe hy deur drie gewapende mans genader is. Hulle het hom gedreig en die klub van geld en drank beroof.”

Daarna is Esquire Technologies, ’n rekenaarwinkel in Newtonpark, Saterdag beroof.

“Drie mans, waarvan een gewapen is, het kort na 12:00 ingekom en die werknemer aan diens gedreig.”

Volgens Labans het die boewe met kontant en rekenaartoerusting gevlug.

’n Vrou (30) is skaars ’n uur later in haar huis in Jacksonville beroof.

“Dit blyk dat die vrou bier verkoop, want twee gewapende mans het omstreeks 13:10 aan haar deur geklop, en haar van kontant en bier beroof.

“Sy het met haar baba weggehardloop van die huis, maar met haar terugkoms dié verlies opgemerk.”

Niemand is teen druktyd in hegtenis geneem in verband met dié voorvalle nie.

NEXT ON NEWS24X

Inside News24

 

Matric Results are coming soon!

Notify me when results become available

/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.