Basazobhadla ejele abacande umuntu

2018-11-08 06:02

IZOQHUBEKA ibhadle esitokisini samaphoyisa indoda eyatholakala nezicubu zomzimba, ngesonto eledlule kuze kube iyovela enkantolo enkulu yaseRamsgate mhla zi-28 kwephezulu(November).

Lo mlisa owaboshwa endaweni yaseMarine Drive eMargate mhlaka 7 enyangeni edlule, October, uvele okokuqala enkantolo ngoLwesithathu.

Ngokusho kwabakasidlodlo, umsolwa ugeqe amagula ngalesisenzo wabe esedalula nasebenzisane nabo abathathu. Omunye okungumkhelwane wakhe, obhadle ejele naye futhi nabesimame ababili abasagcwele izinkalo.

Okhulumela isiteshi samaphoyisa aseMargate, uKapteni Gerald Mfeka uthe umufi waye emzini kamsolwa ukuyohlola okulapho bamakhela khona uzungu lokumbulala qede badayise izicubu zomzimba wakhe. “Phambi kokumbulala bamphuzisa isiphuzo esidakayo maqede abasolwa mamqiba egcekeni. Emva kwezinsukwana babe sebemkhipha ukuze bamcande,” kuchaza uMfeka.

Umsolwa wokuqala utholakele enamacala okubulala ngokungenhloso futhi nokutholakala nesibhamu esingena lisensi.

Kanti amaphoyisa asaphenya ukuthi lomzimba bekungowabani.

NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.