Die aartskolonialis na wie Sheppie vernoem is

2016-01-07 06:00
Sir Theophilus Shepstone.

Sir Theophilus Shepstone.

Multimedia   ·   User Galleries   ·   News in Pictures Send us your pictures  ·  Send us your stories

‘n WEEK of wat gelede moes die uwe aan ‘n prokureursmaatskappy in Johannesburg die adres verskaf van ‘n koerier-onderneming waarheen dokumente gestuur moes word. Toe ek sê Port Shepstone kom die vraag vinnig: “Waar’s dit? Naby Port Alfred?”

Hoewel Port Shepstone deesdae ook meer in die kollig is sedert die TV-weervoorspellings die dorp se naam op die weerkaarte aangebring het, is hy beslis nie die bekendste dorp in KZN vir mense in ander dele van die land wat nooit hierheen reis nie. Ewenwel, ek het besef ek weet ook redelik min van die man na wie die dorp, waarna sommige inwoners liefederik as Sheppie verwys, vernoem is. Op skool, jare gelede, het onderwysers ons vertel van Sir Theophilus Shepstone wat ‘n doring in die vlees was van die destydse Boere en groot rol gespeel het in die ontstaan van die Eerste Vryheidsoorlog. Dis al wat ek kon onthou, en het ‘n paar bronne geraadpleeg, onder meer die Encyclopaedia Brittanica.

Weens ‘n gebrek aan ruimte, die volgende kort curriculum vitae: Sir Theophilus Shepstone is op 8 Januarie in Westbury-on-Trym in Gloucestershire in Engeland gebore. Hy was slegs drie jaar oud toe sy gesin na die destydse Kaapkolonie ge-emigreer het. Die jong Theophilus het sy opvoeding in sy pa se sendingskool ontvang, en hy, blykbaar ‘n baie skrander kind, het gou die binnelandse dialekte leer praat, die mense se kultuur leer ken, en was ‘n vlot spreker van Xhosa. Shepstone is op ‘n baie jong ouderdom deur die destydse goewerneur van die Kaapkolonie, Sir Benjamin D’urban, in diens geneem tydens die grens-oorlog van die 1834-35 teen die Xhosas. In 1839 word hy aangestel as “Britse inwoner” van ‘n Xhosagroep in die destyde “Kaffraria”.

Nog nie 30 jaar oud nie, gaan Shepstone in 1845 na Natal, ‘n Britse kolonie, waar hy ‘n ‘diplomatieke agent’ was tot 1853, en tot 1875 die sekretaris van Naturellesake. Dis in hierdie tydperk dat Shepstone sy groot invloed uitgeoefen het: hy het ‘n stelsel ontwikkel om die inheemse bevolking te bestuur, waarop alle soortgelyke Europese administrasies in Afrika later gegrond is. Hy het onder meer geglo dat Swart Afrikane afsonderlik van die blanke setlaars bestuur moes word, en dat die reg tot grondbesit van die inheemse bevolking in sg. reserwes toegelaat en beskerm moes word … ’n beginsel wat in die volgende eeu een van die fondamente van die NP se beleid van apartheid en Afsonderlike Ontwikkeling was. Hy het die grense van hierdie inheemse swart gebiede bepaal, en hieroor met die blanke setlaars gebots omdat hulle meer grond wou hê as wat Shepstone toegelaat het.

Shepstone was baie aktief in streek-regeringsake. Hy het in 1849 ‘n sg. “hutbelasting” ingestel, en die inheemse bevolking regeer met die hulp van leiers wat lojaal aan hom was. In 1868 het hy ‘n opvolger probeer afdwing op die Ndebelestam na koning Mzilikazi se dood in die destydse Suid-Rhodesië, iets waarvoor Mzilikazi se natuurlike opvolger, Lobengula, nie te vinde was nie. Shepstone het met die President van die destyse Zuid-Afrikaanse Republiek, Marthinus Wessel Pretorius, in ‘n stryd betrokke geraak oor die eiendomsreg op grond wat nog nie deur die Europese setlaars beset is nie. Hy was teenwoordig op die kroning-seremonie van die Zoeloe-koning Cetshwayo in 1873, en het met hom oor verskeie sake onderhandel. In dieselfde jaar het Shepstone die aanval gelei op die Hlubi-opperhoof Langalibalele wat geweier het om sy stam se vuurwapens aan die regering te oorhandig. In 1876 het die Britse Minister van Kolonies, Lord Carnarvon, met Shepstone oorleg gepleeg oor die beste manier om ‘n federasie van Brittanje se Suider-Afrikaanse kolonies tot stand te bring. Dit was met hierdie doel voor oë dat Shepstone in 1877 die Zuid-Afrikaansche Boere-Republiek geannekseer het as die Britse Kroonkolonie van Transvaal. Hierdie anneksasie, en sy rol as administrateur van die nuwe kroonkolonie, het gepaard gegaan met ‘n periode van groot onrus, onsekerheid en stryd. Sy kritici hou vol Shepstone was ‘n geheimsinnige en geslepe konkelaar, en ‘n soort “Suider-Afrikaanse Talleyrand” wie se ongekende ambisie allesoorheersend was. Sy intimidasie en misleiding van die Boere, gepaardgaande met sy outokratiese bestuurstyl, het volgens geskiedkrywers grootliks bygedra tot die uitbreek van die Eerste Vryheidsoorlog in 1881, ‘n stryd wat die Transvalers gewen het, en die betrekkinge tussen Boer en Brit vir geslagte daarna versuur het. Shepstone het ook ‘n oorlog met die Zoeloes aangemoedig, was saam met die Kommissaris van die Kaapkolonie, Sir Bartle Frere, verantwoordelik vir die ultimatum aan die Zoeloes van Koning Cethswayo in 1878, wat gelei het tot die oorlog van 1879, wat die Britte ook verloor het. Shepstone was van 1880 af Administrateur van Zoeloeland, en het in 1883 afgetree. Hy is in 1893 in Pietermaritzburg oorlede.

Moet name met ‘n koloniale verlede verander word? Nie summier en om emosionele redes nie, nee. Met oorlegpleging en deeglike besinning, ja. As Theophilus Shepstone se aandeel in Suid-Afrika se geskiedenis as maatstaf gebruik word, kan Sheppie gerus ‘n nuwe naam kry. Geen bevolkingsgroep kan daaroor kla nie.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
ADVERTORIAL
Competition regulation for a growing and inclusive economy

ADVERTORIAL: The Competition Commission of South Africa is conducting advocacy work in the South African automotive aftermarket industry and has gazetted a Draft Code of Conduct for public comment.

/News
 

6 myths about male cancer

It is important to be aware of the most prevalent cancer diseases amongst men in our country.

 
 

You won't want to miss...

Who are the highest paid models of 2017?
10 gorgeous plus-sized models who aren't Ashley Graham
5 top leg exercises for men
10 best dressed men of 2017
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.