Die (vergeefse?) stryd om goedkoper kommunikasie

2016-10-06 06:00
 PHOTO:

PHOTO:

Multimedia   ·   User Galleries   ·   News in Pictures Send us your pictures  ·  Send us your stories

DAAR was die afgelope tyd twee nuusgebeurtenisse van groot betekenis vir die gebruikers van selfone en rekenaars - syfers is bekend gestel van hoe onstellend duur data in Suid-Afrika is, en ‘n hofbevel wat die Minister van Telekommunikasie, Dr Siyabonga Cwele, teen die Kommunikasie-owerheid OKASA gekry het om te keer dat groot hoeveelhede ruimte op die radio-frekwensiespektrum opgeveil word.
Hierdie ruimte sal ontstaan wanneer Suid-Afrika se stelsel uiteindelik van analoog na digitaal oorskakel, en frekwensies wat nou vir analoog-TV-uitsendings gebruik word, vrygestel word.

Kom ons kyk eers na die vergelykende kostesyfers. Verlede week is ontstellende inligting bekend gestel. ‘n Maatskappy met die naam Tariff help individue en sake-ondernemings om geld te spaar op hul selfoonrekenings, en het ‘n ondersoek gedoen om te bepaal hoe die pryse van Suid-Afrikaanse “slegs-data”-pakkette vergelyk met dié van ander lande. Die uitslag lyk nie goed vir plaaslike operateurs nie.

Die navorsing is gedoen deur data-kontrakpryse van die voorste mobiele netwerk-operateurs in ander Brics-lande (Brasilië, Rusland, Indië en China), en ook Kenia en Australië met die gemiddelde data-kontrakpryse van al Suid-Afrika se mobiele netwerk-operateurs te vergelyk. Dit het getoon dat Suid-Afrika die tweede hoogste datakontrakpryse in die groep het, nà Brasilië wat heel bo aan die lys is.
‘n Belangrike aspek is dat Traffic nie ‘n eenvoudige geldeenheid-omrekeningsom gemaak het nie, omdat dit nie die lewensduurte van die verskillende lande in berekening bring nie. Die maatskappy wou seker maak dat ‘appels met appels’ vergelyk word, en al die syfers is verwerk om die lewensduurte-indeks in berekening te bring.

Nadat dit gedoen is en die pryse na rande omgeskakel is, was Suid-Afrika konstant die tweede duurste vir 1 “GB”-, 2 “GB”- en 3 “GB”-data-kontrakte. Brasilië was in al drie gevalle die duurste, en die datapryse vir Suid-Afrika was gemiddeld 134% hoër as die goedkoopste pryse in die groep. Tarriff se Hoof-uitvoerende Beampte, Antony Seeff, sê dis duidelik dat die koste van data in Suid-Afrika kan en moet verlaag word. Hy het daarop gewys dat navorsing van ICT Africa bevind het mense in die lae-inkomstegroepe bestee betekenisvolle persentasies van hul salarisse, sowat 20%, aan relatief-klein hoeveelhede data.
Sy vraag is dus hoe van Suid-Afrikaners verwag kan word om te betaal vir akkomodasie, vervoer, kos en ander lewensmiddele wanneer hulle gedwing word om 20% van hul inkomste op data te bestee? Seeff het ‘n beroep op die regering, en alle ander belanghebbendes soos mobiele netwerkmaatskappye, gedoen om te verseker dat data baie goedkoper vir Suid-Afrikaners word.

Dit lyk nie of die regering haastig is om dit te doen nie. OKASA het in Julie gevra dat daar gebie word op elk van vier “bondels” met ‘n minimum-bod van R3-miljard op elk van die vier. Minister Cwele het geslaag met ‘n hofbevel om die veiling te keer “omdat dit die prerogatief van die departement” is om te bepaal hoe hierdie waardevolle hulpbron aan operateurs toegeken sal word.
OKASA hou vol dit is sy “eksklusiewe reg” om dieselfde te doen. Ingevolge die interdik van die Pretoriase Hooggeregshof moet die voorbereidsels vir die veiling nou opgeskort word. Op sý beurt het die selfoon-operateur Cell C ‘n soortgelyke interdik aangevra omdat hy meen die veiling sal sy sterker mededingers die geleentheid bied om hulleself verder in die mark te verskans.

Kenners meen die oorgang van die uitsaaisein van analoog na digitaal sal eers na 2020 gebeur wanneer al die SAUK se senders oorgeskakel sal wees. Opposisiepartye blameer die regering vir swak beplanning en bestuur van die proses, en die aandag is nou toegespits op die parlement om ‘n aanduiding te kry van wat die onmiddellike toekoms inhou.

Intussen word die #DataMustFall-veldtog op die sosiale media verskerp, en is talle drukgroepe oral aktief. Hoe dit ookal sy, daar is geen aanduiding dat die koste van data binnekort gaan daal nie.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
ADVERTORIAL
Competition regulation for a growing and inclusive economy

ADVERTORIAL: The Competition Commission of South Africa is conducting advocacy work in the South African automotive aftermarket industry and has gazetted a Draft Code of Conduct for public comment.

/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.