Ingxoxo noMshedis ngoHugh Masekela

2016-07-07 06:00

UMSHEDIS kulelisonto usixoxela ngengqalabutho kwezomculo weAfrican Jazz uHugh Rampolo Masekela.

UMshedis uthi uMasekela wazalwa ngomhlaka 4 kuMbasa (April) ngonyaka we1939, ezalelwa endaweni yaseWitbank.

Ungumdlali we-trumpet aphinde acule ngephimbo lakhe kanti enjalo nje ungumqambi aphinde azibhalele izingoma zakhe. I-trumpet yakhe yokuqala wayiphiwa isishoshovu somzabalazo uBhishobi Trevor Huddledston owayengumfundisi eSt Peters Secondary.

UHuddleston wacela umholi weJohannesburg Native Municipal Brass Band uUncle Sauda ukuthi aqeqeshe uHugh Masekela ekudlaleni itrumpet.

Lokho kwaholela uHugh ukuthi kube wuye odlala phambili eqenjini likaBhishobi elalibizwa ngokuthi iHuddleston Jazz Band.

Ngonyaka we-1956 uMasekela wangena kwiqembu elalibizwa ngokuthi yiAlfred Herbet’s African Jazz Revue. Ukusukela lapho ikhono lakhe lakhula kakhulu iNingizimu Afrika yonkana.

Ngenxa kahulumeni wobandlululo owawubusa kuleyominyaka, uMasekela wayedlulisa umyalezo womzabalazo ngawo umculo.

Umculo wakhe wawugcwele usizi nokuhlusha komuntu omnyama, umuntu omnyama engabalulekile ethathwa njengento engeyilutho ephila impilo yobugqila.

Akazange abe nokubekezela ukuhlala kulelizwe­, kwaphoqa ukuthi aye ekudingisweni esizwa uBhishobhi Huddleston nabanye abango­ Yehud, Menun kanye noJohn Dankworth, ukuze athathwe esikoleni somculo esasise London, iGuidhall School of Music.

Emva kwalokho wavakashela eMelika lapho ahlangana noHarrry Belafonte wabe eseqhubekela nezifundo zakhe zomculo eManhattan School of Music eNew York.

Ngonyaka we-1964 washada noMirriam Makeba, lowomshado wathatha iminyaka emibili kuphela.

Kuningi okungashiwo ngalomculi kodwa okubalulekuile ngaye umculo wakhe onomyalezo­ ongapheli noyisifundo kubantu belelilizwe.

Unendondo yeGrammy kanti futhi wahlonishwa inyuvesi yaseRhodes ngeziqu zobudokotela, wahlonishwa ngeOrder of Ikhamanga ngumongameli uJacob Zuma. Kuningi nokunye ahlonishwa ngakho.

Ngalokho ke sithi phambili Bra Hugh.

NEXT ON NEWS24X

Inside News24

 

Matric Results are coming soon!

Notify me when results become available

This site is protected by reCAPTCHA and the Google Privacy Policy and Terms of Service apply.

/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.