‘The World’: Die uniekste seevaartuig ter wêreld?

2019-01-17 06:01

Voorverlede week sit die uwe saam met familielede by ‘n eetplek en sien hoe een van hierdie moderne, groot passasierskepe ‘n ent die see in by ons verbyvaar onderweg na Durban. Onwillekeurig wens jy, veral as jy nog nooit ‘n bootreis meegemaak het nie, dat jou dag nog sal kom.

Ewenwel, ons het verder gekuier en huis toe vertrek. Die familie is intussen terug Gauteng toe, en die nuwe jaar se aktiwiteite het begin. Net toe ek begin wonder waaroor ek vandeesweek gaan skryf, sien ek op Facebook foto’s van die skip, met die naam ‘The World’, daar geplaas deur Sarel van der Merwe, beter bekend as die slangvanger van die Suidkus. Sarel het by die foto’s geskryf die boot word besit deur ‘n groep skatryk mense, en die meeste van hulle bly op die skip. Van die eienaars is Madonna en Arnold Schwarzenegger. Tydens ‘n telefoon-oproep het Sarel my meegedeel hy het ‘n Kenko Pro ‘Field 80A Spotting Scope’ en sy selfoon gebruik, en my toestemming gegee om die foto’s te plaas.

‘The World’ is inderwaarheid ‘n merkwaardige vaartuig. Maritieme bronne verskaf fassinerende inligting oor die vaartuig. Dit het die enigste volgrootte tennisbaan ter see, ‘n spa van 7,000 vierkante meter, ‘n fiksheidsentrum, ‘n wynversameling van meer as 12 000 bottels, het teen verlede jaar meer as 1 600 hawens besoek, en amper een miljoen seemyle afgelê. Dit word gebruik om die eienaars/aandeelhouers op unieke ekspedisies te neem na van die mees afgeleë plekke op aarde. Geeneen van die suites op die twaalfdek-vaartuig is te huur nie. Elkeen van die 165 luukse woon-eenhede aan boord, wat wissel tussen $4-miljoen vir ‘n ‘kleiner’ eenheid, tot $20-miljoen dollar vir die drie-slaapkamereenhede, word besit deur mense met bates van minstens $10- tot $15-miljoen. Dis die minimum. Indien jy nie een van die aandeelhouers is nie, kan net ‘n persoonlike uitnodiging jou aan boord kry.

Die vaartuig is in 2002 gebou, en aanvanklik is beplan om een van die dekke vir reisigers beskikbaar te stel, maar dinge het anders uitgewerk. Dit het toe die enigste residensiële toerskip ter wêreld geword. Alle eienaars is aandeelhouers, en stem elke jaar oor alles, van die skip se roetes vir die jaar, tot die soort brandstof wat gebruik word en die Kersfees-versierings. Een van die skip se woordvoerders, wat self op die vaartuig woon, sê alle aandeelhouers is baie suksesvol in hul onderskeie gebiede: Regsgeleerdes, geneeshere, argitekte, entrepreneurs, olie-magnate en alle soorte miljardêrs. Hulle het ook wonings op ander plekke, private stralers en ander luukshede, en van hulle is bekende kunsversamelaars.

Die meeste van hulle bestee net beperkte tye van die jaar op die boot. Nog ‘n woordvoerder het dit beklemtoon dat iemand soos Oprah Winfrey waarskynlik nie as aandeelhouer toegelaat sal word nie. “Ons wil nie paparazzi hier hê nie. Hierdie boot is ‘n skuilplek en ‘n toevlugsoord. Jy sal ook nie uitvind wie anders hier bly nie. Alles word baie vertroulik behandel.”

‘n Jaar gelede was daar 142 families wat die skip periodiek as tuiste gebruik het, en almal is deur ‘n streng keuringproses voordat hulle hulle geld kon neersit. In daardie stadium was sowat die helfte van hulle Amerikaans, 45 Europees en, baie verrassend, sowat 20 Suid-Afrikaans. Kry ek die geur van Stellenbosch? Die gemiddelde ouderdom van die aandeelhouers is 64 jaar. Die passassiers bestee ‘n gemiddeld van ses maande op die boot, wat in die Bahamas geregistreer is, en Kersfees is die vaartuig vol mense want familielede en gaste word aan boord genooi. Hoewel die boot 600 passassiers kan huisves, is daar die meeste van die tyd net sowat 300 aan boord. Die

konsep het intussen so gewild geword dat daar ‘n soortgelyke skip in aanbou is wat teen 2021 voltooi sal wees, en presies dieselfde diens as ‘The World’ sal lewer. Ons lewe inderdaad in ‘n wêreld van uiterstes: Waar daar saam met wydverspreide armoede en hongersnood, ‘n klein groepie mense is wat in absolute luuksheid lewe.

NEXT ON NEWS24X

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.