Wouter se Watergat

2018-03-22 06:01

‘n Week nadat ek meer besonderhede oor ons faktotum Oom Pottie verskaf het, het die noodlot hom ‘n teleurstelling toegedien wat erg pynlik was om te ervaar. Sy geliefde span het ‘n wedstryd wat klaar gewen en in die spreekwoordelike sakkie was, uit die sakkie gehaal en aan die opponente gesê: ‘Hier, vat hierdie een maar vir julle, ons wen in elk geval te veel. Die Blues is die swakste Nieu-Seelandse span, en dit sal goed vir julle moreel wees as julle ons hier op Emiratespark klop.’

Toe daardie laaste drie gedruk word en die Lions verloor nadat speeltyd reeds verby was, het ‘n asvaal-Pottie met ‘n kreun in die hoek gaan sit, lank niks gesê nie, totdat net drie woorde oor sy lippe gekom het. Daarna het hy weer stilstuipe gekry, sy bier klaar gedrink, gegroet en huis toe gegaan. Die woorde, met groot gevoel, was: ‘Dis ‘n gatslag’.

Maandag lees ek heel toevallig op die internet ‘n ontleding van die dieper betekenis en belangrikheid van die woord ‘gat’, wat my dadelik aan Pottie se emosionele woorde laat dink het. Ek kon nie mooi vasstel wie dit geskryf het nie, maar herhaal dit woordeliks met erkenning aan iemand wat homself Klassik noem. En vra ook byvoorbaat om verskoning indien iemand sou aanstoot neem. Dis bloot bedoel as ‘n humoristiese, kliniese ontleding:

“Die woord gat. ‘n Baie diepe betekenis in die lewe. Om bv. lewe te skep (kinders druk die ore toe), wat ‘n man en ‘n vrou doen…..daar is holtes betrokke. Holtes = Gate. Met geboorte, kom die babatjie die lewe binne deur ‘n opening (keisersnit en natuurlik), ‘n gat!

Om te kan sien, moet lig by ‘n gat inkom, die oog. Om te kan hoor moet klank by die oor inkom, ‘n gat. Om te kan eet en drink moet voedsel en vloeistof die mond binnekom, ‘n gat. Om asem te haal moet suurstof deur die neus en mond beweeg. Bloed vloei deur are en as jy sweet kom die sweet by sweetgaatjies uit. Om badkamer toe te gaan, wel nommer een of nommer twee vir almal, het met ‘n gat te doen.

Om deur ‘n muur te sien kyk ons deur ‘n venster, ‘n gat. Om in jou huis, kar, kerk, werk of die bank in te gaan, loop jy deur ‘n gat. Om ‘n deur oop en toe te sluit, druk jy die sleutel in ‘n gat, die sleutel het ‘n gaatjie met ‘n ringetjie daaraan wat jy in jou sak steek (‘n gat).

As jy skoene en sokkies aantrek, jou klere, horlosie of jou selfoon laai, alles is gesentreer om ‘n gat. Iemand vat jou vir ‘n gat as hy met jou die spot dryf, jy maak jou naam gat na te veel tequila, jy val jou gat af, en jy lag jou gat af. Jy voel gat as die bulle kantlyn toe skop en nie pale toe nie.

Dan, as jy doodgaan, en die lig aan die einde van die tonnel sien (ook ‘n gat), word jy begrawe in ‘n gat of veras deur in ‘n oond met ‘n deur in te beweeg.

So kan mens aangaan, daars baie voorbeelde, daar is seker ook uitsonderings, maar die toeval is nogal groot.

‘n Gat vereenvoudig is ‘n sirkel, ‘n sirkel het geen begin en geen einde, ewigdurend, soos die lewe. Dus is die geheim van die lewe, ‘n gat.

Kan dit wees dat hierdie kroeg-teorie jou heeldag gaan laat wonder, en gate raaksien?”

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.