Wouter se Watergat

2018-08-09 06:00

DIT was ‘n redelike stil maar ongelukkig waterlose week. Dit was dae lank die hoof-onderwerp van gesprekke hier in die Watergat, en die vraag was deurentyd hoe dit moontlik is dat ‘n top toeristebestemming in Suid-Afrika enige hoop op oorlewing het indien Bed- en Ontbyt-ondernemings hul klandisie verloor omdat die water opdroog. Toegegee, die meeste plekke wat verblyf verskaf het opgaartenks, en kan tot drie dae oorleef, maar wat doen jy wanneer die onderbreking ses dae duur? Of selfs langer? Wat van die gewone inwoner wat nie ‘n opgaartenk kan bekostig nie?

Die Watergat se tenk het vier dae se water gehad. Hierna moes ons water aanry om ons skottelgoed en tafeldoeke gewas te kry. Veral Shelly Beach is sleg getref, en hier het mense na vele waterlose dae ‘medisyne’ kom soek om hul frustrasies te neutraliseer. Baie van hulle het geen geheim daarvan gemaak dat indien hul dit kon bekostig en hul omstandighede dit toelaat, hulle iewers elders heen sou verhuis nie. Ten spyte van al die voordele van die Suidkus.

Hoewel dit nie regstreeks die gevolg is van water-onderbrekings nie, het ander gekla oor hul sake-ondernemings wat sukkel om kop bo water te hou. ‘n Bekende sakeman van Manaba sê van sy ou klante betaal nie hul skuld betyds nie. Wanneer hy dan navraag doen, maak hulle verskoning en sê hulle sal dit doen sodra mense wat hulle geld skuld, betaal. Laat ons nou maar eerlik wees.

Die land se ekonomie is in ‘n benarde toestand, maar dis erger op plekke soos die Suidkus waar seisoenale inkomste kritiek belangrik is. Dan praat ek nie eers van die eiendomsmark nie. Een van die agente wat gereeld hier kuier meen op die oomblik is dit die beste kopersmark in dekades. Dit hang natuurlik af van waar die eiendom geleë is, maar feit is, verkopers moet bereid wees om pryse ver benede die ‘normale’ markwaarde te aanvaar. Tesame met die ander klagtes oor verskillende dinge, doen dit ‘n mens se gemoedstoestand nie goed nie. Inteendeel. Gelukkig is daar in ‘n plek soos die Watergat gereeld ewige optimiste en grapjasse wat jou swaarmoedigheid help bestry.

Geluk aan die Golden Lions wat my verkeerd bewys en gekeer het dat die Jaguares in die eindstryd van die SupeRugbyreeks speel. Hulle het die Waratahs behoorlik opgerol nadat die Lions ons almal weer in die eerste 15 minute hartkloppings gegee het.

Oom Pottie was in ekstase, totdat hy daarop gewys is dat sy span bloot ter slagting gelei word na Christchurch. Dit sal ‘n rugby-wonderwerk wees indien hulle wen, veral geoordeel aan die manier waarop die Crusaders die Hurricanes, self ‘n spogspan vol All Blacks, klinies maar aanskoulik platgevee het.

Ons week is opgehelder deur Frans Swart, ‘n afgetrede prokureur en ‘n geesdriftige reisiger wat pas van Spanje af teruggekeer het. Hy het in Madrid ‘n bulgeveg bygewoon, maar niks daarvan gehou nie. Een van sy medetoeriste het hom egter die storie vertel van ‘n man wat ná ‘n bulgeveg na die restaurant langs die Plaza de Toros gegaan het vir ‘n egte en spesiale Spaanse maaltyd. Die kelner het ‘n dis met die naam Cojones de Toros aanbeveel. Die toeris het dit bestel, en hulle bring toe vir hom twee peervormige voorwerpe in ‘n sous, met lekker bykosse. Hy vra die kelner wat dit is, en word ingdelig dis die testikels van ‘n bul. Langtand proe die toeris daaraan, maar dis toe ongelooflik lekker. Baie tevrede gaan hy terug hotel toe. Die volgende aand, net voordat hy elders heen moes vertrek, gaan hy weer na dieselfde restaurant. Hy bestel dieselfde dis. Hierdie keer is die porsies egter baie kleiner. Hy roep die kelner en vra wat aangaan. Die kelner verduidelik in gebroke Engels: ‘Remember senõr, life is unpredictable. Virtually everytime ze matador wins. But zis time, the bull won’.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
 

5 scientific benefits of owning a cat

According to science, just the act of watching cats itself can bring about positive emotions – so it comes as no surprise then, that owning a cat has a number of benefits.

 

Paws

Why we love cats
8 great natural remedies for your pet
How to clean your dog’s eyes
This special pooch inspired his brother to learn to stand again
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.