Bosluiskoors eis Uitenhage-vrou se lewe

2018-12-06 06:01
=Erlene van der Merwe wat in Uiten-hage aan bosluiskoors dood is.Foto: Facebook

=Erlene van der Merwe wat in Uiten-hage aan bosluiskoors dood is.Foto: Facebook

Multimedia   ·   User Galleries   ·   News in Pictures Send us your pictures  ·  Send us your stories

’n Vrou van Uitenhage is aan bosluiskoors dood, het die lykskouingsverslag bevestig.

Erlene van der Merwe (66) is op 12 November ná ’n kort siekte in die Netcare Cuyler-hospitaal dood. ’n Bosluis het haar vermoedelik net ’n week tevore gebyt.

Volgens haar kleindogter Colleen Evert is haar ouma op 8 November met koors en hoofpyn in die hospitaal opgeneem.

Van der Merwe het ook gesukkel om haar ledemate te beweeg. Sy het ’n bytmerk aan haar linkerbors gehad. Dié bytmerk was glo nie daardie vorige Maandag tydens ’n onverwante ondersoek teenwoordig nie.

Dokters het aanvanklik vermoed sy is deur ’n spinnekop gebyt, maar bloedtoetse het later bevestig dat dit ’n bosluis was.

Volgens Evert het bloedtoetse die Sondag nadat sy in die hospitaal opgeneem is, gewys dat haar ouma se infeksietelling laer is, maar Maandagoggend vroeg het sy in ’n koma verval. Verdere toetse het gewys haar niere en lewer het ingegee. Sy is later daardie oggend dood.

Evert sê haar ouma was oor die algemeen ’n gesonde mens.

“Die enigste plek waarheen sy gegaan het, was die Strelitziadam saam met haar twee honde. Dit is die enigste plek waar sy deur die bosluis gebyt kon word.”

Evert sê hul familie wil nie hê drastiese stappe moet gedoen word soos die sluiting van die dam vir besoekers nie; hulle wil eerder die inwoners teen die gevaar van bosluise daar waarsku.

“Ons glo die bosluise kom van die loslopende beeste in die dorp wat op erwe en by die damme wei – dít is die probleem wat ons het. Niks word daaraan gedoen nie en dit gebeur voordurend oor die hele Uitenhage heen.”

Pieter Terblanche, ’n plaaslike raadslid, sê hy het ook die bewyse gesien dat bosluiskoors Van der Merwe se dood veroorsaak het. Hy het die aangeleentheid nou na die Nelson Mandelabaai-metro se direktoraat vir die omgewing verwys en hy wag vir terugvoering.

“Ek verstaan die inwoners is nou in rep en roer oor die loslopende diere wat vermoedelik bosluise afgooi, maar ons wag nog vir terugvoering oor ’n plan van aksie.”

Terblanche sê hy is van plan om binnekort ’n vergadering met die plaaslike, opkomende boere te hou om vas te stel hoe gereeld hul beeste teen bosluise behandel word.

’n Woordvoerder van die boere kon nie gister vir kommentaar bereik word nie.

Mthubanzi Mniki, munisipale woordvoerder, het by navraag gesê dit is te vroeg om te sê die loslopende beeste in Uitenhage is alleenlik die bron van die bosluise, aangesien huisdiere en wild ook bosluise dra.

“Die direktoraat vir omgewingsgesondheid se ondersoek sal inligting verskaf oor die stappe wat gedoen moet word.”

Mniki sê die direktoraat vir menslike nedersettings werk tans daaraan om grond vir gemeenskaplike boerderye beskikbaar te stel.

Ondanks gerugte van nog twee mense wat aan bosluiskoors in Uitenhage dood is, het dr. Brian Mbhele, ’n internis van die Cuyler-hospitaal, by navraag gesê hulle het geen styging in die gevalle van bosluiskoors gehad nie.

Dr. Marne Page van dié hospitaal se ongevalle-afdeling het bevestig daar was pasiënte wat onlangs vir vroeë simptome van bosluiskoors behandel is, maar hulle is nie opgeneem nie.

Mbhele sê simptome om voor uit te kyk, is gewrigspyn, koors en bewerasies. Hy sê indien iemand ’n bytmerk aan hul lyf ontdek of die simptome ervaar, moet hy of sy so gou as moontlik by ’n dokter uitkom.

NEXT ON NEWS24X

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.

Inside News24

 
/News
Traffic Alerts
Traffic

Jobs in Cape Town [change area]

Jobs in Western Cape region

HSE Manager

Cape Town
Tumaini Consulting
R550 000.00 - R650 000.00 Per Year

Reporting Accountant

Cape Town
Network Finance Professional / Prudential
R310 000.00 - R360 000.00 Per Year

Cluster Financial Manager

Cape Town
Network Finance
R950 000.00 - R1 000 000.00 Per Year

Property [change area]

There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.