Hope pret by Techno Kidz basaar

2019-04-25 06:00
Luzaan Jonker en Vingers Jonker by die knortjorre wat Saterdag, 4 Mei gery kan word by Techno Kidz se basaar op Uitenhage. Foto:HEILIE COMBRINCK

Luzaan Jonker en Vingers Jonker by die knortjorre wat Saterdag, 4 Mei gery kan word by Techno Kidz se basaar op Uitenhage. Foto:HEILIE COMBRINCK

Multimedia   ·   User Galleries   ·   News in Pictures Send us your pictures  ·  Send us your stories

DIE reuse 3 300m² perseel van Techno Kidz, voorheen bekend as Bollie Bewaarskool, gaan ’n miernes van bedrywighede vir die kleinspan wees tydens dié dag- en nasorgsentrum se komende basaar.

Uitenhage sakeman Vingers Jonker het sowat ’n jaar gelede die perseel gekoop en die geboue en veiligheid opgeknap sodat dit nou een van die toonaangewendste sentrums vir kinders in die Nelson Mandelabaai is.

Dié basaar en pretdag word op Saterdag, 4 Mei gehou en skop om 08:00 af met ’n gemaklike 2km pretloop vir ouers en kinders deur die buurt.

Na afloop van die pretloop gaan bekende radiopersoonlikheid en kampvegter teen boelies, Gertjie de Jager, aan die roer van sake wees as seremonieman van die dag.

As deel van die program gaan plaaslike opkomende sangers optree, daar gaan toutrek wees, knortjorre kan gery word en daar sal ’n verskeidenheid stalletjies met eetgoed en snuisterye wees sowel as ’n teetuin en mannetent. ’n Vleislootjie kan ook gekoop word en die trekking sal op die dag gehou word.

Vir die kleinspan is daar drie springkastele, twee 10m glybane, Jungle Gyms, gesigverf met Popsi die Nar en speletjies.

“My doel met Techno Kidz is om ’n sentrum vir babas en kinders te vestig wat meer bied as die gewone. Veral om werkende ouers se las te verlig sodat hulle weet hulle kinders is by ’n plek waar daar na hulle omgesien word en waar hulle veilig is,” sê Vingers Jonker, eienaar van Techno Kidz.

Veiligheid by dié sentrum is vir Jonker van hoogste prioriteit en daarom het hy ’n uitgebreide kamera- en alarmnetwerk op die perseel aangebring.

“Ons het die skoolure verleng van 06:00 tot 18:00 en kinders kan selfs langer bly, indien daar vooraf reëlings getref is.”

Om dié diens te kan lewer het Jonker ’n woonstel op die perseel opgerig waarin daar ’n inwonende gekwalifiseerde onderwyseres bly wat na die kinders omsien.

“Selfs ouers wat op weeksaande uitgaan of Saterdae nie tuis is nie en ’n plek soek waar hulle kinders in veiligheid kan bly en versorg word, kan vooraf reëlings tref en hulle by Techno Kidz aflaai teen ’n fooi,” sê Jonker.

Die sentrum se kombuis en babasaal is heeltemal oorgedoen. Elke klas het nou ook sy eie yskas, medisynekas en eie speelplek onder supervisie.

Techno Kidz sien bedags om na babas vanaf 3 maande oud tot graad R kinders en vir nasorg tot en met graad 7 kinders. Die sentrum is in Wistariastraat op Uitenhage.

  • Die Techno Kidz basaar op Saterdag, 4 Mei is van 09:00 tot 13:00 en toegang is gratis.
NEXT ON NEWS24X

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.

Inside News24

 
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.